It(em) wout(er) salomoens diemen heett scinkel heeft gheloeft op lantzoene en(de) op sijn lijf en(de)/ sijn goet dat hij o(m)me des wille dat hij vande(n) gherichte binne(n) lovene ghehacht en(de) ghe/ vanghen hadde gheweest noch o(m)me negheene sake daer uut ruerende ne(m)merme(r) bij he(m)/ selven noch bij niema(n)ne anders viantscap wangonst hatye noch ondanc draghen noch/ doen en sal tote(n) meye(r) van lovene noch en ghene(n) van sine(n) diene(re)n noch niema(n)ne and(er)s/ wij hij sij ocht sijn mach (et)c(etera) [h(enrico)] borchove(n) wal(tero) porta Anno m[mo] cccc[mo] s(ecund)o no(vembris) xx[a]