Ite(m) daneel van eremboudegheem in deen side en(de) jan calab(er) in dand(er) side sijn comen voer scepene(n)/ van lovene en(de) hebben hen ghekeert en(de) sijn bleve(n) in vriendelike yffene(re)n paysmak(er)s en(de) seg/ ghers alse van alle(n) stote twyste ghedinghe beclaghe en(de) eyschinghe(n) die tusschen hen op/ ghestaen en(de) gheweest sijn het sij van scepen(en) brieven van lovene van scoude van ghe/ luften en(de) van allen ande(re)n saken die tusschen hen gheweest hadde(n) tot opden dach/ van heden te weten de voers(creven) daneel in her henric p(er)sone der kerke(n) van holsbeke en(de) ja(n)ne/ van eremboudegheem en(de) de voers(creven) jan calab(er) in goessen vand(er) calstren en(de) pete(re)n vanden/ huffle En(de) hebben gheloeft de voers(creven) p(ar)tijen vast en(de) ghestede te houde(n) en(de) te voldoene/ soe wat de voers(creven) vier segghe(re)n of de drie van hen eendrechtelec segghe(n) en(de) p(ro)nu(n)cie(re)n/ selen vande(n) dinghe(n) en(de) sake(n) voers(creven) tusschen de voers(creven) p(ar)tijen Dit ghedaen de voers(creven) segg(er)s/ te wete(n) her henric goessen en(de) pet(er) hebb in abse(n)tien jans van eremb(oudegheem) voers(creven) hebbe(n) eendrechtechlec/ gheseeght en(de) ghep(ro)nu(n)ciert [haer segghen] tussche(n) de p(ar)tijen en(de) vande(n) dinghen en(de) sake(n) voers(creven) inder/ maniere(n) hier na volghende Inden iersten dat de voers(creven) daneel den voers(creven) ja(n)ne calab(er) ov(er)/ gheve(n) sal [sond(er) vertrec] alsulke(n) scoutbrief scepen(en) brief van lovene va(n) [vacat]/ alse hij sprekende heeft opte(n) voers(creven) jan calab(er) behoudelec dat alle v(er)copinghe(n) en(de) goedinge(n)/ die de voers(creven) daneel ghedaen [heeft] mids virtute va(n)de(n) voers(creven) scepen(en) brieve [va(n) enighe(n) goede(n) die des voers(creven) jan ca labers waren] dat die vast en(de)/ ghestedich bliven selen en(de) met vorwerde(n) soe waer enich coper va(n) dien goede(n) yet sculdech/ ware dat de voers(creven) jan calab(er) dat sal hebbe(n) en(de) moghen vervolghe(n) [metten rechte] voe(r) den meye(r) en(de) scepen(en)/ va(n) lovene en(de) nerghens eld(er) Ite(m) dat de voers(creven) jan calab(er) betale(n) sal en(de) heeft gheloeft te/ betale(n) den voers(creven) danel(e)? van eremboud(egheem) xxiiii gul(den) rijnssche en(de) xxiiii gul(den) holl(antsche) te wetene/ iiii gul(den) rijnsche en(de) iiii gul(den) holl(antsche) opte(n) ierste(n) dach va(n) octob(er) naest come(n)de en(de) iiii gul(den)/ rijnssche en(de) iiii gul(den) holl(antsche) opte(n) iersten dach va(n) aprille d(aer) nae sond(er) middel volghende en(de) alsoe/ voert ane va(n) jare te ja(r)e tot elke(n) t(er)mine voers(creven) iiii guld(en) rijnsche en(de) iiii gul(den) holl(antsche) [tot(er) tijt dat de voers(creven) scout betaelt sal sijn en(de)] tot/ elke t(er)mine alse vervolghde scout En(de) heeft gheloeft jan calab(er) sone des voers(creven) jans/ calab(er) te vore(n) uut sijns vad(er) brode ghedaen Soe waer sijn vad(er) van live ter doet q(ua)me/ eer alle de t(er)mine vand(er) voers(creven) betalinghen leden waren dat hij den voers(creven) danele beta/ linghe en(de) ghenoech doen sal van alsulke(n) t(er)mine alse nae sijns vad(er) doet van des(er) betalinghe(n)
//
onbetaelt sal sijn en(de) tot elke(n) t(er)mine alse v(er)volghde scout behoudelec dien soe waer de voers(creven) jan/ sijn vader ter tijt dat hij va(n) live ter doet q(ua)me [va(n) enighen t(er)mine(n) dan voerleden] in ghebreke wae(re) dat de voers(creven) jan sijn sone/ daer af onghehoude(n) soude sijn Item dat de voers(creven) p(ar)tijen mids desen dinghen voers(creven) voert/ ane van allen saken van alle(n) eyschinghe(n) (et)c(etera) deen jeghen dande(r) te male quijt en(de) onghehoude(n)/ selen sijn tot eweliken daghe(n) Hier waren ov(er) bastijn vande(n) steene en(de) jan vande(n) huffle/ scepen(en) van lovene ghegh(even) v daghe in junio int jaer m cccc