SAL8105, Act: R°187.1-R°188.1 (67 of 83)
Search Act
previous | next
Act R°187.1-R°188.1  
Act
Date: 1417-02-10

Transcription

2021-11-21 by Walter De Smet
Cont sij alle(n) liede(n) dat die dese l(ette)ren soele(n) sien of hoe(re)n lesen dat ghijsbrecht schiven va(n)/
[cortenake(n)] es come(n) in jegewordicheide(n) d(er) scepen(en) van lo(ve)n ende heeft ghenome(n) ende bekendt dat hi genome(n)/
heeft van mine(n) h(er) roelof bid(er) gnade(n) ons he(re)n abdt [h(er) daneel rogghe proefst] vande(n) cloeste(r) van vlied(er)beke en(de) co(n)vente des [inden name vande(n) selve(n)] selfs cloesters hoer hof van beetse met allen de(n) toebehoirte(n) den selve(n) hove ald(aer) toe behoe(re)nde/
en(de) met d(en) molen te beetse uutghenome(n) de goede d(er) pyta(n)cien en(de) coste(r)ien van vlied(er)beke toebehoe(re)nde/
den tsijs aen den prochiaen van [te] beetse den bosch ald(aer) en(de) den beemt gehete(n) roelantsboend(er) de goede/
die me(n) namaels vercrige(n) mach ende tpontgelt tsijs capuyne core(n) ende heerscap vanden/
ma(n)nen van leene(n) Te houde(n) te hebbe(n) ende te wy(n)nen va(n) half m(er)te dat sijn sal anno xviii[o]/
ene(n) t(er)mijn van twelf jaire(n) lang deen na dand(er) d(aer) na staph(ans) volg(ende) elx jairs de vors(creven) xii/
jair lang duer(ende) o(m)me xxxi l(i)b(ra) oud(en) grote goet ende gheve dats te verstaene voe(r) elc pont/
oud(en) grote vijfthien oude scilde goet van goude en(de) van gewichte ocht de werde d(aer)af in ande(re)n/
payme(n)te goet ende gheve ende vijftich pont was diests gewichte goet en(de) nuwe te s(ente)/
remeys misse elx jairs de vors(creven) xii jair lang d(er) came(re)n des selfs abds te betale(n) en(de) te leve(re)n/
En(de) es te wete(n) dat de vors(creven) wynne alle(n) den gronttsijs in gelde in corne in capuyne(n)/
uut de(n) vors(creven) goede(n) gaende te behoirleke(n) tide betale(n) sal den vors(creven) t(er)mijn duer(ende) sond(er) afslach/
d(er) vors(creven) so(m)men welke xxxi l(i)b(ra) oud(en) grote de vors(creven) wy(n)ne betale(n) sal en(de) geloeft heeft te/
betalen alle jaire de vors(creven) xii jair lang duer(ende) elx jairs te vier t(er)mine(n) en(de) int vors(creven)/
cloest(er) op hoere [sinen] cost te leve(re)n dats te wete(n) tvie(re)ndeel [viii l(i)b(ra) grote] d(aer)af te s(ente) jans misse viii l(i)b(ra) gro(te) d(aer)af/
te s(ente) remist remeysmisse viii l(i)b(ra) gro(te) d(aer)af tens(ente) vrouwe(n) dage lichtmisse en(de) vii l(i)b(ra) gro(te) d(aer)af/
te halfmerte/
ende alsoe voirt van jae(re) te jae(re) de vors(creven) xii jair lanc duer(ende) telke(n) jae(re) xxxi l(i)b(ra) oud(en) grote/
It(em) soe sal de vors(creven) wynne de woeni(n)ghe vande(n) vors(creven) hove van beetse met alden huysen dair/
aen staende en(de) tot den voirscr(even) hove hoe(re)nde wel en(de) loflec op sine(n) cost houde(n) van wande/
en(de) van dake den vors(creven) t(er)mij(n) duer(ende) en(de) de vors(creven) abt en(de) co(n)vent soelen se houden van g(r)[o]ter/
ty(m)meringe(n) Oic soe en mach noch en sal de vors(creven) wy(n)ne niet ty(m)mere(n) inden vors(creven) hove van/
beetse sond(er) wete(n) des vors(creven) abds It(em) soe en sal de vors(creven) wy(n)ne negheen boeme aldaer/
moghen truncke(n) noch afhouwe(n) uutgenome(n) popele(re)n willege(n) ende ande(re) boeme dieme(n)/
gewoenlec es te trucken die sal hi moge(n) truncke(n) te behoirleke(n) tide de vors(creven) goede mede/
te beheyme(n) En(de) waert dat sake dat ald(aer) inde(n) vors(creven) hove eneghe boeme verdroeghden/
of uutwaeyde(n) vande(n) wynde die sal de vors(creven) wy(n)ne hebbe(n) en(de) voe(r) elc stucke ii d(er)re gelike/
wed(er) plante(n) ende sette(n) en(de) dair toe sal de selve wynne den vors(creven) t(er)mij(n) duer(ende) elx jairs/
inden vors(creven) hove hondert goede custbaer poten sette(n) ende plante(n) voert met alsulke(r)/
condicie(n) ende vorwerde(n) dat de vors(creven) wy(n)ne inden dryen leste(n) jae(re)n vande(n) vors(creven) t(er)mine/
niet meer dan een boend(er) tsjaers [en] sal moge(n) hoervruchte(n) en(de) de vors(creven) lande ten eynde/
vande(n) vors(creven) t(er)mine als hi uut de(n) vorscr(even) hove vae(re)n sal besaeyt late(n) en(de) gewonne(n) ind(er)/
voege(n) als hier nae volght dats te wete(n) xx boend(er) wel en(de) loflec besaeyt gemest/
ende gewonne(n) op sijn tidege voe(re)n met wynt(er)corne de storte eens o(m)me gedae(n) en(de)/
de brake geheel It(em) dat de vors(creven) wy(n)ne de vors(creven) goede tot de(n) hove hoe(re)nde ende/
de beemde ald(aer) sal wel begrecht late(n) en(de) en sal op dleste jair negheen tuyne/
staende op de vors(creven) goede afbreke(n) noch afdoen Ite(m) es te wete(n) wae(re) dat sake
//
dat inde(n) voirscr(even) hove brant gheviele of geschiede dat god verhueden moet van des vor(screven)/
abds ende co(n)vents wege(n) dat sal sijn in hoe(re) schade(n) wae(re) oic dat sake dat d(air) brant gheviele/
ov(er)mids ocsuyn des vors(creven) wynnen dat sal sijn in schade(n) des selfs wy(n)ne(n) ende die sal hi/
sculdich sijn opte richte(n) den abdt en(de) co(n)vent vors(creven) wae(re) oic dat sake dat d(air) brant geviele/
en(de) men gheen van dese(n) geproeve(n) en conste soe soude elc p(ar)tie hoir schade drage(n) en(de) dat/
soude staen tot wis(en) liede segge(n) ende te goed(er) waerheit Ite(m) dat de vors(creven) abdt hebbe(n) ende/
behoude(n) sal inden vors(creven) hove sijn gijste ende ligghen vierw(er)f siaers van alle(n) goede(n) en(de)/
yegewelke(n) als me(n) gewoenlec heeft geweest op der svors(creven) wy(n)ne(n) cost en(de) expens Eest oic/
dat sake dat den vors(creven) abt dicker ghevelt dair te come(n) dat sal oic sijn op des vors(creven)/
wynne(n) cost en(de) expens wijn en(de) wessen kerssen alleen uutgenome(n) Oic sal de vors(creven)/
wy(n)ne ontfaen de moincke ende gesinde des vors(creven) cloesters alsoe dicke als si d(air) inden/
vors(creven) hove(n) come(n) soele(n) ende oic op des selfs wy(n)ne(n) cost uutghenome(n) van wijne ende/
in dien dat si in hoire(n) habite en(de) met orlove hoirs ov(er)ste(n) tot den vors(creven) hove come(n) It(em)/
so sal de vors(creven) wynne alle jae(re) de vors(creven) xii jair lang duer(ende) betale(n) xv gulden(en)/
swaer van gewichte tot den houden behoef onss gened(ichs) he(re)n van brab(an)t sond(er)/
afslach d(er) vors(creven) so(m)men Oic sal de selve wynne alle ande(re) corweyde(n) doen ende/
sculdich sijn te doen dieme(n) vande(n) vors(creven) hove sculdich es alsoe me(n) tot heer toe/
geploge(n) heeft wae(re) oic dat sake dat inde(n) vors(creven) hove enighe ongewoenlike corweyde(n)/
vielen te doene van onss gened(ichs) he(re)n wege(n) van brab(an)t ov(er)mids ocsuyn des vors(creven) abds/
en(de) co(n)vents des niet sijn en moet van sulke(n) corweyde(n) sele(n) de vors(creven) abt en(de) co(n)vent/
den vors(creven) wynne co(m)merloes ende schadeloes houde(n) Ite(m) van gemeyne(n) tempeeste(n) en(de)/
van gemeyne(n) orloghe waert dat si gheviele(n) dat god verhuede(n) moet soe soele(n)/
de vors(creven) abt ende covent den vors(creven) wynne redelec versien alsoe me(n) d(aer) omtrent/
pleeght en(de) gewoenlec es te doen Waert oic dat sake dat hagelslach gheviele/
dat tcoren verslage(n) worde dat soude dabt en(de) co(n)vent den vors(creven) wy(n)ne oprichte(n)/
na goeder liede taxacie En(de) w(er)t dat sake dat de beemde ov(er)vloten met erden/
dat soude dabt ende co(n)vent hem afcorte(n) nae goed(er) liede taxacie en(de) de selve wy(n)ne/
sal de dyke dair scloesters erve aen de gate leeght alsoe houde(n) dat den beemde/
doe(r) scloesters dyke gheen schade en geschie Ite(m) es vorwerde dat de vors(creven) wy(n)ne/
jairlex de dyke vand(er) gheete(n) de grecht gehete(n) de middelste grecht ende alle ande(re)/
grechte ende weghe aen svors(creven) cloest(er)s erve gelege(n) wel en(de) loflec veghen/
ruyme(n) en(de) maken sal op sine(n) cost en(de) die altoes gheveeght geruymt en(de)/
gemaect houde(n) En(de) gevielt dat me(n) gebode de gheete [en(de) die middelste grecht] te uut veghe(n) soe sal die wy(n)ne/
die alsoe uu veghe(n) en(de) ruyme(n) op sine(n) cost dat dair af den cloeste(r) gheen schade/
noch becroen en come En(de) wart dat sake dat gheviele dat dabt en(de) co(n)vent/
deden ty(m)mere(n) inden hove ocht grave(n) of wat werke dat dabt en(de) co(n)vent dair/
te doen hadde(n) dair de sal de wy(n)ne den wercliede(n) hoire(n) cost gheve(n) en(de) dabt en(de)/
co(n)vent sal hen de dachue(re)n betale(n) Ite(m) soe sal de vors(creven) wy(n)ne hebbe(n) en(de) houde(n)
//
den vors(creven) t(er)mij(n) duer(ende) de molen des vors(creven) cloest(er)s te compenrode elx jairs o(m)me iii/
mudde ende ii halster corens onsen bochvorste(r) van cortenake te betale(n) ende op den/
erfpacht die jairlex uut d(er) vors(creven) molen gaende es den welke(n) pacht en(de) erfpacht/
de selve wy(n)ne betale(n) sal jairlex sond(er) afslach d(er) vors(creven) so(m)me(n) Ite(m) sal de vors(creven) wy(n)ne/
de huyse vand(en) vors(creven) molene(n) dats te wete(n) vander molen te compenrode ende vand(er)/
molen te beetse houde(n) wel en(de) loflec van wande en(de) van dake den vors(creven) t(er)mij(n)/
du(erende) ende dat si hi oic de vors(creven) twee molene(n) van yse(re)n werke houde(n) sal in goede(n)/
poente den selve(n) tijt duer(ende) en(de) es te wete(n) dat de vors(creven) molene(n) den vors(creven) wy(n)ne/
gelev(er)t sijn en(de) getaxeert dits te verstaene de molen te compenrode uutgesceyde(n)/
dmolenhuys en(de) molensteene op lxv guld(en) hollan(tsch) Ite(m) inde selve(n) molen/
van compenrode hen gelev(er)t van molensteene(n) xiii dumen graens and(er) naecs steens/
It(em) des vors(creven) cloest(er)s gedeelte vand(en) sluysen te beetse hem gelev(er)t en(de) getaxeert/
op vijfdalfpont ouder grote Ite(m) de molen te beetse hem gelev(er)t ende getaxeert/
uutghenome(n) dmolenhuys ende de molensteene op achtentsestich gulden(en) hollan(tsch)/
Item den vors(creven) wynne inde selve mole(n) van beetse gelev(er)t van molensteenen/
acht dumen ende een derdeel graens and(er)nacs steens met alsulk(er) vorwerde(n) en(de)/
(con)dicien waert dat de vors(creven) molene(n) ten eynde vande(n) vors(creven) t(er)mine in eneghen vande(n)/
vors(creven) stucke(n) argher wae(re)n dat de vors(creven) wynne den vors(creven) abt en(de) co(n)vente dat sal/
vergelden en(de) oprichte(n) waert oic dat si beter vonde(n) worde(n) dat souden hem/
oic de vors(creven) abt en(de) co(n)vent gelden en(de) wed(er)kee(re)n ten prise ende segghene van/
molensleg(er)s [It(em) de wy(n)ne sal houden op sine(n) cost en(de) last jairlex de brugge(n) staende aen beyde de vors(creven) molene(n)] It(em) sal de vors(creven) wy(n)ne den vors(creven) t(er)mij(n) duer(end) hebbe(n) de capuyne/
ende tsijs des vors(creven) cloesters Inden steden en(de) dorpen van halen van beetse en(de)/
etsrijc elx jairs o(m)me xx schellinge oud(er) grote ocht xv oude schilde dair voe(r)/
goet van goude en(de) van gewichte te kerssavonde te betale(n) tons(er) vrouwe(n) daghe lichtmisse [te bet(alen)]/
Item sal oic de selve wy(n)ne hebbe(n) desen vors(creven) t(er)mij(n) duer(ende) dlant d(er) vors(creven) costerien/
van vliederbeke aldair toebehoire(n)de elx jairs o(m)me vier gulden(en) [drie drie oude scilde] goet van goude/
en(de) van gewichte [te weten iiii oud(en) scilde voe(r) iiii gul(denen)] It(em) de vors(creven) wy(n)ne sal jairlex leve(re)n den vors(creven) abde en(de) cove(n)te/
i(½)[c] kesen It(em) de selve wy(n)ne sal jairlex den vors(creven) cloeste(re) zoeme(re)n een voelen/
Item dat de vors(creven) wy(n)ne opt leste jair vande(n) vors(creven) t(er)mine stroe ende voesteringe/
van viii boende(re)n wynt(er)core(n)s ende viii boende(re)n zom(er)core(n)s int vors(creven) hof b(re)nge(n) sal/
ende die dair ette(n) ende verte(re)n met sine(n) beesten en(de) te meste make(n) en(de) alle dmest/
d(aer)af cor come(n)de int vors(creven) hof late(n) en(de) negheen mest noch voesteringe uut den/
voiscr(even) hove vuere(n) behoude(lic) dien w(er)t dat hem dan te halfm(er)te hoy ov(er)bleve/
dat hi dat met hem ewech vuere(n) mach en(de) sine(n) wille d(aer) mede doen [Item sal hebbe(n) de wy(n)ne jairlex ene(n) roc] En(de) alle/
dese vorwerde(n) hebbe(n) geloeft mijn vors(creven) he(re) dabt en(de) cove(n)t in deen side en(de) de/
[telke(n) t(er)mij(n)] vors(creven) wy(n)ne in dande(r) side malcande(re)n vaste en(de) gestedich te houde(n) en(de) den/
den ande(re)n d(air) af altoes te voldoen talle(n) tide(n) en(de) t(er)mine(n) als si valle(n) en(de) verschine(n) soele(n) en(de)/
inde su(n)t fideiusso(r)es d(i)c(t)i ghiselb(er)ti henricii t(am)q(uam) debito(r)es p(ri)ncip(ales) ind(ivisim) henricus de stey/
voert robertus meydhove(n) rener(us) de liefkenrode fil(ius) q(uon)da(m) rener(i) (et) rener(us) de liefke(n)rode/
fil(ius) henrici de liefkenrode franco sabel arnold(us) gheymaer rener(us) goudacker fil(ius)/
henrici goudacker (et) franco schyne om(n)es de lewis a p(ri)(us) quosquidem fideiuss(ores)/
an(te)d(ict)us ghiselb(er)tus (et) henric(us) de steyvoert p(ro)mis(eru)nt de p(ro)miss(ionibus) inde(m)pnes (con)s(er)va(r)e insup(er)/
p(ro)misit p(re)fatus ghiselb(er)tus p(re)fatu(m) henr(icum) de steyvort de p(rom)iss(ionbus) (con)s(er)va(r)e inde(m)pne(m) py(n)noc/
lynden febr(uarii) x[a]
ContributorsJan Bonquet
Moderated byGreet Stevens
Last update: 2016-03-01 by xavier delacourt