Cond sij allen lieden dat want stoete gedinge twy(n)ingen en(de) discord(e) geweest/ hebbe(n) tusschen aliten die wilen wijf was diederix van heese en(de) lodewike hoe(re)n sone/ dien sij hadde van henricke wilen lodewijx hoe(re)n yersten man in deen side en(de) clase/ bercman die te wive hadde lijsbetten dochter des voirs(creven) wilen diederix claese en(de) tyelma(n)ne/ gebruede(re) sine(n) soene(n) p(ri)us ema(n)cipat(us) [uut des selfs hoirs vad(er)s brode gedaen] inden name van hen van maghtelden ende kerstine(n)/ dochte(r) des voirs(creven) claes en(de) suste(r) d(er) voirs(creven) gebruede(re) en(de) oec inde(n) name van gheertrude(n)/ van heese suster der voir(screven) wilen lijsbetten die sij hier in geloeft hebben te vervane/ thomase den molde(re) inden name van w(er)ne(re)n van heese mids dat hi sijn gedeelte/ vanden goeden hier na bescrev(en) jegen den selve(n) w(er)ne(re)n verc(re)ghen heeft in dande(r)/ side van alsulke(n) goeden alse de voirs(creven) wilen diederic van heese en(de) alijt sijn wijf/ voirg(enoemt) te gade(r) in hoe(re)n geheelen huweleken stoele verc(re)gen Soe sijn beyde/ de voirs(creven) p(ar)tien comen voir scepe(ne)n van lovene hier nae genoemt en(de) hebben bekendt/ en(de) verlijdt openbaerlec dat sij van allen den voirs(creven) stoete twyongen en(de) discorde/ gesleten verenicht en(de) geaccordeert sijn ind(er) manie(re)n en(de) voeghen hier nae volghende/ en(de) verclaert Inden iersten sal de voirs(creven) alijt voe(r) de helcht vande(n) v(er)creghenen/ goeden [hebbe(n)] behoude(n) ende besitten erflec in vormen van wetteg(er) deylingen de goede h(ier)/ nae bescreve(n) te weten huys en(de) hof met sin(en) toebehoerte(n) gelegen te zichen(e) aen/ de marct tusschen de goede wilen gielijs vand(er) linden end(de) m(ar)grieten spog(er)s spoeghers/ Item de helcht vanden beemde(n) gelegen te zichen(e) int laerbroec en(de) den [ene(n)] bosch/ neven den dicken bosch [gelege(n)] gelijc men die te leene houdende es vande(n) kinde(re)n vand(er)/ beken van zichen(e) dair af dat de voirs(creven) claes bercman ende sijn mede p(ar)tie dand(er)/ helcht houdende sijn Item i rinchen [hollan(sche)] gulden erfleker rente(n) aen huys en(de) hof/ gheerts ke(m)pene(re) gelege(n) testelt inde wijng(ar)tstrate Item xx pl(acken) erfleker renten/ aen huys en(de) hof arnts stroten gelegen inde voirs(creven) wijng(ar)st(ra)te Ite(m) ii oude/ groete erftsijs aen huys en(de) hof lijsbetten scosters gelegen in de voirs(creven) wijng(ar)tst(ra)te/ welke goede voirs(creven) d(er) voirs(creven) aliten en(de) hoe(re)n nacomelinge(n) erflec volghen selen sond(er)/ den voirs(creven) claese bercmans en(de) sijnre medep(ar)tien en(de) [of hoiren] nacomelingen e(n)nich recht/ daer in te hebben en(de) te behouden in e(n)nig(er) manie(re)n Item selen de voirs(creven) claes/ bercmans claes en(de) tielman sijn soene en(de) thomas de molde(re) inde(n) name van hen/ en(de) den ande(re)n hoe(re)n medep(ar)tien voirs(creven) alse naeste erfgename(n) vande(n) voirs(creven) wilen/ diederic voe(r) de helcht vande(n) voirs(creven) verc(re)ghene(n) goeden hebben houden en(de)/ besitten erflec in vorme(n) van wetteg(er) deylinge(n) de goede h(ier) nae bescreven/ Te weten de helcht vande(n) beemde(n) gelegen te zichen(e) int laerbroec en(de) den [ene(n)]/ bosch neven den dickenbosch [gelege(n)] gelijc men die te leene houdende es vande(n) brude(re)n/ vand(er) beeke voirs(creven) dair af dat de voirs(creven) alijt dand(er) helcht houdende es Ite(m) een/ halve zille beemts gelegen inde prochie van zichen(e) int deetbroec tussche(n)/ / de goede jannes proeftens en(de) jans vande(n) broeke It(em) i(½) zille beemts/ gelegen int broec van misselboec geheten den buekene(n) beemt gelegen ter/ stat dieme(n) heet keete welken beemt de voirs(creven) claes en(de) sijn kinde(re) hebben/ geloeft tontslaene van ene(n) mudde rogs lijfpens(ien) binne(n) drien maende(n) naest/ comende nae dat [dwelc] sij op de voirs(creven) zille [i(½) zille] beemts bewijst hebben welke goede/ voirs(creven) de voirs(creven) claes bercmans claes en(de) tielman sijn soene thomas de molde(re)/ inden name van hen en(de) den ande(re)n hoe(re)n medep(ar)tien voirs(creven) en(de) hoe(re)n naecomelinge(n)/ erflec volghen selen sond(er) der voirs(creven) aliten ocht hoe(re)n naecomelingen enich/ recht daer in te hebbe(n) ocht te behoude(n) in enig(er) manie(re)n Behoudelec dien/ dat de voirs(creven) alijt inden selven goeden hebben sal hoer tocht alsoe langhe/ als sij leven sal en(de) niet langher Item selen de voirs(creven) claes bercmans/ claes en(de) tielman sijn soene en(de) thomas de molde(re) erflec hebbe(n) een huys/ en(de) hof met sine(n) toebehoerten gelegen testelt inde wijng(ar)tstrate voirs(creven)/ tusschen de goede henric craeys en(de) gheerts kempene(re)n dwelc de voirs(creven)/ alijt en(de) lodewijc hoer soene den voirs(creven) claese bercmans en(de) sine(n) medep(ar)tien/ tot hoe(re)n behoeften tot behoef d(er) ande(re) voirg(enoemde) ter stont ov(er)gheve(n) salen/ op ene(n) rinschen guldene jaerleker lijfpens(ien) ten live d(er) voirs(creven) aliten/ te sinte m(er)tens misse inde(n) wint(er) [d(aer) af] te betalen d(er) selv(er) aliten alsoe lange/ als sij leven sal en(de) niet lang(er) en(de) mids desen rinschen gulden(en) lijfpens(ien)/ soe en sal de voirs(creven) alijt gheen tocht hebben noch behoude(n) inde halve/ zille beemts die gelegen es int doetbroec voirs(creven) Welke pointinge/ yffeni(n)ge en(de) accoert voirs(creven) beide de voirs(creven) p(ar)tien voer hen hoer erfgename(n)/ en(de) nacomelinge(n) geloeft hebbe(n) malcande(re)n vaste en(de) gestedich te houde(n)/ en(de) te voldoene en(de) malcande(re)n d(aer) af genoech te doene voer de he(re)n en(de)/ hove d(aer) men de voirs(creven) goede af houdende es bynne(n) drien maenden/ naest comende alsoe dat elken van hen vaste en(de) seker sijn sal Voert/ hebben geloeft de voirs(creven) claes bercman claes en(de) tielman siin soene hier/ in te vervane en(de) alsulc te hebben maghtelden en(de) (christ)inen claes/ dochte(re)n voirs(creven) en(de) oec gheertruden van heese voirs(creven) dat sij ter/ manissen der voirs(creven) aliten tvoirs(creven) accoert en(de) yffeni(n)ge vaste en(de) gestedich/ voer scepe(ne)n van lovene geloven selen van te houden Voert hebben/ geloeft de voirs(creven) thomas de molde(re) en(de) claes bercman hier in te v(er)vane/ en(de) alsulc te hebben w(er)ne(re)n van heese voirs(creven) buten lants wesende/ alse hi binne(n) lants come(n) sijn sal dat hi de voirs(creven) pointinge en(de) yffe(ninge)/ ter manissen d(er) voirs(creven) aliten vaste en(de) gestedich gelove(n) sal te houde(n)/ voir scepe(ne)n loven(e) Item es vorw(er)de tussche(n) de voirs(creven) p(ar)tien soe wes/ brieve ocht vasticheit dat e(n)nige vande(n) voirs(creven) p(ar)tien heeft vande(n) goede(n)/ d(er) ande(re) p(ar)tien toebehoe(re)nde nae inhoude(n) d(er) voirs(creven) yffeni(n)gen dat sij die malcande(re)n/ sond(er) vertrec ov(er)gheve(n) selen ende mids des(er) yffeni(n)gen voir(screven) soe selen beyde/ de p(ar)tien [voirg(eruert)] geaccordeert en(de) gesleten sijn van allen goede(n) beyde have en(de)/ erve die de vors(creven) wilen diederic van heese en(de) alijt sijn wijf te gade(r)/ houdende wae(re)n alle argelist hier in uutgescheide(n) borchove(n) rike jul(ii) xi