It(em) villicus lovan(iensis) median(tibus) scab(inis) lovan(iensibus) adduxit r(at)io(n)e do(min)[ii] joh(ann)em d(ominu)m lonijs/ seniorem filiu(m) na(tura)lem m(a)g(ist)ri joh(ann)is q(uon)da(m) lonijs canonici (et) custodis leodien(sis) ad bona/ will(el)mi d(ic)ti chambier de rosirez sit(a) apud ysscham sup(er)io(r)em ac alibi ubicu(m)q(ue) locor(um)/ sita consistu(n)t in domib(us) [man(sionibus)] curt(ibus) t(er)r(is) ar(abilibus) p(ra)t(is) pascuis (et) suis p(er)t(inentiis) univ(er)s(is) att(inentibus)/ pro c(er)tis p(ro)missionib(us) (et) recognic(i)o(n)ib(us) consc(ri)pt(is) in l(itte)ris scabinor(um) lovanien(sium) quar(um)/ tenor sequit(ur) in hec verba Cond sij allen lieden dat willem chambier van rosierez/ es come(n) in jegewordich(eit) der scepen(en) van lovene en(de) heeft genome(n) en(de) bekendt dat/ hi ghenome(n) heeft van hansen lonijs den oudsten sone wilen meester jan lonijs/ canonc en(de) coste(r) van ludeke de goede des selfs hansens geheten ten broeke met/ huysen hoven wy(n)nende lande beemden eeusselen heyden en(de) boschweyden met alle(n)/ hoe(re)n toebehoerten behalven dien dat hi gheen recht hebben en sal in dlant/ gelegen ter erdbrugghen bid(en) galchghen van ov(er)yssche want dat den goeden/ vanden broeke niet toe en hoert Te houden te hebben en(de) te wynne(n) van half/ meye naest comende ene(n) t(er)mijn van sesse jae(re)n lang daer nae sond(er) middel/ volgende elx jaers dae(re)n bynne(n) om derthien sacke rox yscher maten met/ wa(n)ne en(de) met veede(re)n wel bereydt acht sister yscher maten voer enen sac/ gherekent altoes te sente andries misse apostels en(de) ten lanxsten tonser/ vrouwe(n) daghe liechtmisse te betalen en(de) te loven(en) te leve(re)n op des voirs(creven)/ willems cost alle jae(re) den voirs(creven) t(er)mijn due(re)nde en(de) telke(n) t(er)mine als v(er)volghde/ schout Ende es vorw(er)de dat de voirs(creven) wy(n)ne sijn beesten op den bosch gheene(n)/ tijt doen en mach dan als den hou drie jaer out es oec soe selen moeghen/ de voirs(creven) hansen en(de) sijn wy(n)ne ten drien jae(re)n van malcande(re)n scheyden op dat/ hen ghenueght Item sal de voirs(creven) willem den voirs(creven) t(er)mijn due(re)nde moeghen/ nemen op de voirs(creven) goede hout te bernen inden voirs(creven) hove vande(n) broeke ende/ and(er)s niet en(de) altoes ter mynster schaden Item sal de voirs(creven) willem hebben/ den voirs(creven) t(er)mijn due(re)nde de thiende van hafligheem aldaer gelijc dat se den/ voirs(creven) hansen toebehoert en(de) die thiende alle jae(re) indoen en(de) vueren in tvoirs(creven) hof/ op sijns selfs cost en(de) daer af sal de selve wy(n)ne willem alle jae(re) gheven ende
//
ende betalen dien van haffligheem twintich rinsche guldene alsoe/ dat den voirs(creven) hansen ghenen co(m)mer daer af en come Ende alle dat/ stroe dat vande(n) voirs(creven) lande en(de) vand(en) voirscr(even) thienden comen sal dat/ sal de voirs(creven) willem te meste b(re)nghen in tvoirs(creven) hof en(de) dat mest alle/ jae(re) vueren op dlant den voirs(creven) hove vande(n) broeke toebehoe(re)nde ten/ meesten p(ro)fijte des lants en(de) nerghens elde(r) Item sal de voirs(creven) willem/ den voirs(creven) hansen gheve(n) alle jae(re) vijfhond(er)t stroes wals [walms] de huysingen/ aldaer mede te houden en(de) and(er)s ghene(n) walm make(n) noch stroe v(er)coepe(n)/ noch vande(n) goeden vueren noch doen in gheenre manie(re)n en(de) alst noet/ es ald(aer) te deckene soe sal de voirs(creven) hansen de dachue(re)n betale(n) en(de) wille(m) den werclieden hoe(re)n cost gheve(n) It(em) sal de voirs(creven) willem alle jae(re) op/ de voirs(creven) goede houden hond(er)t scape en(de) twintich hoet vees behalven/ sijn p(er)de en(de) e(m)mer alsoe veel beesten dat hi alle dat voirs(creven) stroe wel/ en(de) loeflec binne(n) den voirs(creven) goede te meste mach make(n) It(em) sal de voirs(creven)/ willem de voirs(creven) lande wel en(de) loeflec wy(n)nen met vier ghetidege(n)/ voe(re)n en(de) bezayen met goeden zade en(de) ten eynde vande(n) voirs(creven) sesse jae(re)n/ laten alsoe hijse vant ten beghinne vande(n) voirs(creven) t(er)mine te weten/ sessedalf boend(er) lants bezaeyt met rogghe en(de) sesse boend(er) en(de) een/ dachmael lants bezaeyt met zomercoerne en(de) alle dande(re) lande alsoe/ hijse vant Item sal de voirs(creven) hansen den voirs(creven) wille(m)me alle jae(re) eenw(er)f/ leverye gheve(n) of den selven wille(m)me daer voe(r) afslaen ene(n) sac rox/ yscher maten welke vorw(er)den en(de) poenten alle en(de) yeghe welke boven/ bescreve(n) de voirs(creven) willem heeft gheloeft den voirs(creven) hansen wel en(de)/ volcomelec te voldoen en(de) te vervullen in alle der voeghen en(de) manie(re)n/ bove(n) v(er)cleert en(de) telken t(er)mine als v(er)volghde schout Hier wae(re)n over/ jan spoelart en(de) wouter capellema(n) scepen(en) van loven(en) Ghegeven int/ jaer ons he(re)n dusent vierhond(er)t en(de) twelfve tweentwintich daghe in/ oeghstmaent in quo (et) habuit q(ue)rel(as) oppendorp haenwijc febr(uarii) iiii/ It(em) eod(em) modo add(uctus) est ad mo(bili)[a] p(ro) d(ic)to de(bi)[to] cor(am) eisd(em)/