Cont sij allen liede(n) dat jan willems va(n) tonge(re)n es come(n) in jeg(enwordicheyt)/ d(er) scep(enen) va(n) lo(ve)n en(de) heeft genome(n) en(de) bekendt dat hi genome(n) heeft/ van brued(er) ja(n)ne spieghel canonic regul(ie)r scloest(er)s va(n) gruene(n)/ dale mechtich gemaect vande(n) p(ri)oer en(de) cove(n)te vande(n) vors(creven) cloeste(re)/ Des selfs cloest(er)s goede gelegen te groet mollenbais inde p(ro)chie/ va(n) geldenake in huysen hove(n) wy(n)nende lande beemde(n) en(de) bossche(n) [en(de) eusselen]/ met allen hoe(re)n toebehoerte(n) houd(ende) te same(n) xlvii(½) boende(r)/ gelijc tvors(creven) cloest(er) de vors(creven) goede ald(aer) houden(de) es te houde(n) te/ hebbe(n) en(de) te wy(n)nen van halfmeye dat wese(n) den xiiii[sten] dage/ d(er) maent va(n) junio die wese(n) sal int jaer ons h(er)en dusent iiiii/ iiii[c] xviii ene(n) t(er)mijn va(n) neghen jai(re)n deen nae dand(er) d(aer) nae/ sond(er) middel volgende elx jaers hie(re)n by(n)nen elc boend(er) va(n)de(n)/vors(creven) goede om xii vate tarwen om lvii mudde [pacht] tarwen/ goet en(de) payabel d(er) maten va(n) geldenake te s(ente) andr(ies) misse/ apost(el) te bet(alen) en(de) te mollenbais te leve(re)n alle jae(re) den vors(creven) t(er)mijn/ duer(ende) en(de) telke(n) t(er)mine als v(er)volghde schout Op alsoe dat de vors(creven) win/ bi(n)ne(n) de(n) vors(creven) ix jae(re)n bet(alen) sal ix pachte Item sal de vors(creven)/ wy(n)ne jaerlex leve(re)n v[c] walme(re) de huysingen vande(n) vors(creven)/ hove mede te houden Item sal de vors(creven) wy(n)ne hebbe(n) tot sine(n)/ gerieve alle de huyse ald(aer) staende(n) uutgenome(n) de came(re) met/ den solde(re) d(aer) in boven staende ten eynde vand(er) schuere(n) de welke/ tvors(creven) cloest(er) behoude(n) [sal] tot sine(n) p(ro)fite de(n) vors(creven) t(er)mijn duer(ende) Item/ sal de vors(creven) wy(n)ne hebben tduyfhuys en(de) tp(ro)fijt d(aer) af en(de) de duve(n)/ vueden en(de) mer hi sal den brued(er)s va(n) den vors(creven) cloeste(re) als sij/ d(aer) come(n) jonge duve(n) gheve(n) op dat sij d(aer) sijn Ite(m) sal de vors(creven) wy(n)ne/ allet stroe dat vanden vors(creven) lande come(n) sal te meste maken en(de) wed(er) opt/ vors(creven) lant vuere(n) ende op gheen and(er) slants meeste(n) p(ro)fite It(em) soe en sal/ de vors(creven) wy(n)ne gheen and(er) lant neme(n) te wynne(n) dan des vors(creven) cloest(er)s/ lant den vors(creven) t(er)mijn lang dur(ende) Item soe en sal de vors(creven) wy(n)ne gheen/ beemde noch eussele verhuere(n) Oec en sal hi gheen hoey vercopen/ voer inganc mey waert dat hem ov(er)bleve en(de) soe waer hem ten leste(n)/ jae(re) hoy ov(er)bleve dat soude hi den vors(creven) cloeste(re) laten op ter goeden/ knapen prise Ite(m) sal de vors(creven) wy(n)ne jairlex betale(n) x capuyne/ vanden bog(ar)de gelege(n) acht(er) dwoenhuys op sine(n) last Ite(m) sal de vors(creven)/ wy(n)ne jairlex bet(alen) allen den tsijs pacht en(de) co(m)mer uut den vors(creven)
//
goeden gaende soe dat tvors(creven) cloest(er) d(aer)af schade cost noch co(m)mer en lide en(de)/ dat sal hem tvors(creven) cloest(er) in gescrifte gheve(n) wat en(de) waer me(n)t sculdich es/ en(de) d al dat hi d(aer) af betaelt dat salme(n) alle jae(re) afslaen van sine(n) pachte/ It(em) en sal en [mogen] noch en mach de vors(creven) wy(n)ne vercopen gheen vrucht/ moghen vercopen die opt vors(creven) lant wassen sal En(de) soe wa(n)neer men/ aen de vors(creven) huyse yet sal ty(m)me(re)n decken of plecken dan sal de vors(creven) wy(n)ne/ den werclieden den cost gheve(n) en(de) tvors(creven) cloest(er) de dach(ueren) bet(alen) En(de) soe/ wa(n)neer [de] knape(n) oft bode(n) des vors(creven) cloesters aldair come(n) dan sal hen de/ vors(creven) wy(n)ne den cost gheve(n) en(de) evene en(de) hoy tot hoe(re)n p(er)den It(em) sal de/ vors(creven) wynne opt vors(creven) goet dairs best te doen sal sijn alle jae(re) setten en(de)/ planten lxxv poten en(de) daer voer sal hi hebbe(n) alle heymi(n)ghe die oudt/ en(de) quaet es en(de) hi sal alle truncboeme truncken alse de gheerden van/ iiii jae(re)n oudt sijn en(de) nie and(er)s niet en(de) den bosch acht(er) de schue(re)/ sal hi laeten van iii jae(re)n oudt Ite(m) sal de vors(creven) wy(n)ne te sine(n) leste(n) jae(re)/ xii dage voe(r) s(ente) jans misse laeten de beken wael gevaeght en(de) de straten/ jege(n) tvors(creven) goet liggende wail gemaect de thuyne wail geloken en(de)/ de grachten wel gegrave(n) en(de) hi sal ten leste(n) jae(re) voer mey allet mest/ dat dan gemaect sal sijn uut vuere(n) opt vors(creven) lant slants meeste(n) p(ro)fite/ En(de) bynne(n) den vors(creven) t(er)mine sal hi de straten en(de) de beken en(de) dbeheym houden/ op sine(n) cost alsoe en(de) anxt van beleyde Ite(m) sal de vors(creven) wy(n)ne de beemde/ eussele en(de) bog(ar)de laten [ten eynde van sine(n) t(er)mine] alsoe hise vint [in sine(n) income(n)] dats te wete(n) den beemt aen/ de capelle ende den bogaert gheett tot xii dage(n) toe voer s(ente) jans misse/ en(de) alle dande(re) beemde ongheett en(de) onghemaeyt tot den vors(creven) tide want/hise alsoe vant ten yersten jae(re) en(de) de vors(creven) goede sal hi wel en(de) loflec wy(n)nen/ werve(n) en(de) mesten gelijc sine(n) reenghenoten Ite(m) sal de vors(creven) wynne indoen/ten yersten jae(re) toeghste dwynt(er)core(n) en(de) zom(er)core(n) vanden vors(creven) goeden ten/ lesten jae(re) van sine(n) vors(creven) t(er)mine laeten besaeyt de vors(creven) lande [wel en(de) loflec] inder manie(re)n/ h(ier) na volg(end) dats te wete(n) vijfthiendalf boend(er) van [in] prise van goeden/ knapen vijfthiendalf boend(er) wynt(er)core(n)s elc boender gescat voe(r) acht/ mudde core(n)s su(m)me d(air)af cxvi mudde core(n)s It(em) acht boend(er) en(de) i(½) dach(mael)/ som(er)corens elc boend(er) dairaf gescat voe(r) vi mudden corter evene(n) Su(m)me d(air)af/ l mudde en(de) derdalf sister [evene(n)] Item i(½) boend(er) ghiersten elc boend(er) geschat/ voe(r) vi [vii] mudden ghersten su(m)me d(aer)af xi(½) x(½) mudden ghersten En(de)/ wordet bet(er) geschat dat sal hem tvors(creven) cloest(er) oprichte(n) en(de) wordet oic/ argher geschat dat dat sal hi den vors(creven) cloest(er) betale(n) It(em) en sal de/ vors(creven) wynne by(n)nen den lesten iii jae(re)n gheen lant moge(n) hoervrochten
//
noch verandsaeyen It(em) sal de vors(creven) wy(n)ne laeten int vors(creven) hof ten eynde van sine(n)/ vors(creven) t(er)mine iii voed(er) hoeys geschat voe(r) iii crone(n) ven enen waghen met sine(n)/ toebehoerden met twee paer leede(re)n en(de) met ii corven gescat voer iiii cr(onen) vrancr(ijx)/ It(em) ii ploeghe met vier paer yse(re)n coppelen en(de) hae(re)n toebehoirten met tween/ eeghden met ii eeghdwissen geschat voe(r) ii cr(onen) Ite(m) iiii goreele met iii paer/ stringen en(de) met hoe(re)n toebehoirte(n) geschat voe(r) een crone It(em) iii p(er)de geschat/ voer xx crone(n) Ite(m) iii coye gescat voe(r) xi crone(n) su(m)me d(air)af xli crone(n) vrancr(ijx)/ van goude goet ende gheve de welke so(m)me vanden vors(creven) xli cr(onen) de vors(creven) jan/ heeft geloeft den vors(creven) cloeste(r) te betale(n) bynne(n) den lesten jae(re) vanden vors(creven)/ t(er)mine oft alsulken beesten en(de) h(ar)nasch den vors(creven) cloeste(re) weder [te] leve(re)n na goed(en)/ knape(n) prise Ite(m) sal de vors(creven) wy(n)ne laete(n) ten eynde van sine(n) t(er)mine int vors(creven)/ goet xxx hynne(n) ende een b ene(n) hane en(de) xxx xxii kyekene van eenre/ maent oudt en(de) lxxxviii schove grauwer erwete(n) en(de) xxxv schove lysen/ Item sal de vors(creven) wy(n)ne alle de brake tweew(er)f geackert laeten ten eynde/ van sine(n) lesten jae(re) xii dage voe(r) s(ente) jans misse Ite(m) waert dat god verhuede(n)/ moeten dat bi ongevalle vier oft brant quame bi ocsuyne des vors(creven) wy(n)ne/ of van sine(n) gesinde d(aer) den vors(creven) cloeste(r) schade af quame dat soude de vors(creven)/ wy(n)ne den vors(creven) cloester oprichte(n) en(de) betale(n) It(em) gevielt dat orloge te(m)peesten/ oft plage quamen inden vors(creven) goeden d(air)af soude tvors(creven) [cloester] den vors(creven) wy(n)ne doen/ rastoir doen gelijc ande(re)n he(re)n en(de) goede lieden hoe(re)n wynne(n) bove(n) en(de) beneden/ aldair doen soelen Ite(m) soe waer de vors(creven) lantwynni(n)ge niet alsoe groet en/ wae(re) als si den vors(creven) wy(n)ne ov(er)gewijst es en(de) hise gemete(n) woude hebbe(n) soe soude/ me(n)se meten op gemeyne(n) cost b en(de) vondt mens min dat soude he(m) tcloest(er)/ oprichte(n) vondmens oic meer dat soude hi gelden en(de) voldoen nae gelande/ dat voe(r) getaxeert es Ite(m) sal tvors(creven) cloest(er) den vors(creven) wy(n)ne jarlex gheve(n)/ iii ellen lake(n)s tot ene(n) rocke oft een crone d(air)voer en(de) dair vors voer sal/ hi hen in halen hoir co tcoren dat tcloest(er) heeft daut(re)eglise en(de) d(air) omtrent/ en(de) dat te mollebays brenge(n) op sine(n) cost It(em) sal tvors(creven) cloest(er) den vors(creven)/ wynne gheve(n) te vueden te twee jae(re)n c scape den vors(creven) t(er)mij(n) duer(ende) en(de)/ die salme(n) hem leve(re)n [eens] tusschen mey en(de) s(ente) jans misse tallen tween jae(re)n/ en(de) niet meer welke [Ende alle dese] poenten condicien en(de) vorwerde(n) bove(n) bescr(even) (et)c(etera)/ haenwijc hertshals fe(r)ia tertia post q[u](a)si mo(do) .....? d(omi)no joh(anni)