It(em) reyne(re) cordowaen van binckem heeft geloeft janne en(de) geerde swyns / van binckem gebruede(re) die borghen sijn des self reyners vanden goede vande(n)/ vroenhove der he(re)n van ynden gelegen te comptich ende henricke de rademake(re) / dat de selve reyne(re) alle vrucht van coerne beyde van wynt(er)corne en(de) van / zom(er)corne en(de) van allen ande(re)n vruchten die op de voirs(creven) goede ten [dit] naesten / jae(re) toecomende wassen selen geheellec en(de) all altemael te b(ri)nghen inde schue(re)n / staende op de goede der he(re)n van ynden te comptich om daer af te betalen ja(n)ne / vanden huffle scouth(eit) der he(re)n van ynden voirs(creven) die c en(de) lxviii mudde corens / der maten van thiene(n) iiii molevate bone(n) iiii mol(evate) erweten iiii mol(evate) raepsaets / en(de) xvi[c] walms die de voirs(creven) reyne(re) jan en(de) gheert en(de) henric de rademakere
//
den voirs(creven) janne vanden huffele voer scepen(en) van loven(en) geloeft hebben te / betalen te tween t(er)minen gelijc de scepen(en) brieve daer op gemaect beg(ri)pen / en(de) inhouden behoudelec dien dat reyne(re) hebben sal vanden selven coerne sinen / zaet en(de) sijn broetcoren tot halfm(er)te naest comende sond(er) argelist ghelovende /de selve reyne(re) dese voirs(creven) geluften sine(n) voirs(creven) borghen en(de) oec henricke den / rademake(re) vaste en(de) gestedich te houden en(de) daer jegen niet te gane in / gheenre manieren ouderogge bone fe(r)ia s(ecund)[a] in dieb(us) paschalib(us) /