Cond sij allen lieden dat jan lambrechts sone vrancke lambrechts/ van wencsele heeft genome(n) en(de) bekendt dat hi genome(n) heeft van vrouwe/ gheertruyden vand(er) calste(re)n meest(er)sse vande(n) godshuyse vand(er) banc bi lovene en(de)/ den momboe(re)n des selfs godshuys thof des voirs(creven) godshuys gelege(n) te/ meerbeke metten wy(n)nende lande beemden eeuselen thiende(n) en(de) allen sine(n)/ toebehoerten The houden te hebben en(de) te wynne(n) van halfm(er)te naest voerlede(n)/ ene(n) t(er)mijn van twelf jae(re)n deen nae dand(er) daer nae staphans volgende/ op de vorw(er)den en(de) conditien hier nae bescreve(n) Dats te weten de voirs(creven) wy(n)ne(n)de/ lande en(de) thienden elx jaers den voirs(creven) t(er)mijn due(re)nde o(m)me lxii mudde rogs/ lvi mudde en(de) ii halster rogs en(de) ix mudde ghersten elx corens goet en(de)/ payabel der maten van loven(e) met wa(n)ne en(de) met vede(re)n wel bereydt te/ s(ente) andries misse apostels te betale(n) en(de) te loven(e) ocht ter banc daer m(ijn)/ vrouwe(n) voirscr(even) genuege(n) sal te leve(re)n en(de) telke(n) t(er)mine als vervolghde schout/ It(em) sal de voirs(creven) wynne hebben alle jae(re) den voirs(creven) t(er)mijn due(re)nde de voirs(creven)/ beemde en(de) eeussele o(m)me twelf mottoene te wete(n) xxxiiii l(i)b(ra) payments/ voer twe mottoene gerekent en(de) ene(n) rijnschen gulden(en) van goude goet/ en(de) gheve [dats te wete(n) xl pl(acken) voer den gulde(n) gerekent] te s(ente) m(er)tens misse inde(n) wynter te betalen als v(er)volghde scout/ It(em) sal de voirs(creven) wy(n)ne de grechten vande(n) beemden en(de) eeussele(n) laten/ ten eynde van sine(n) t(er)mine alsoe hise vint in sine(n) income(n) te weten iii/ voete wijt en(de) ii(½) voet diepe It(em) sal m(ijn) vrouwe voirs(creven) alle jae(re) hebben/ terdel vande(n) oefte inde(n) bogart aldaer wassende en(de) dat sal de wy(n)ne ter/ eerde(n) leve(re)n en(de) m(ijn) vrouwen hoer derdendeel thuys vue(re)n It(em) sal de voirs(creven)/

wynne alle jae(re) m(ijn) vrouwen voirs(creven) houden twee verkene gelijc sijne(n) lijfv(er)ken(en)/ It(em) sal de wy(n)ne m(ijn) vrouwen voirs(creven) halen op hoe(re)n moer te haeght een half / last torve en(de) daer voe(r) mach de voirs(creven) wy(n)ne oec aldaer doen stet steken/ een half last torve op sine(n) cost Oec sal de voirs(creven) wy(n)ne alle jae(re) betalen/ allen den co(m)mer en(de) tsijs gaende uut den voirs(creven) goede(n) sond(er) afslach vand(er)/ voirs(creven) so(m)men en(de) den he(re) van rotselair houde(n) alle jae(re) [over tijt] ene(n) hont It(em) sal de/ voirs(creven) wy(n)ne alle jae(re) sine(n) t(er)mijn due(re)nde op de voirs(creven) huysinge(n) doe/ verdecke(n) l mandelen walme(re) op sine(n) cost It(em) sal de voirs(creven) wy(n)ne hebben/

alle jae(re) van henric van schore ond(er)half mudde evene(n) It(em) sal de voirs(creven)/ wy(n)ne alle jae(re) setten op de voirs(creven) goede xx [levende] pote(n) Oec soe mach de/ voirs(creven) wy(n)ne hebben alle [houwen] op de voirs(creven) goede alle hout uutgescheiden opgaende/ hout It(em) sal de voirs(creven) wy(n)ne oec betalen alle jae(re) iiii mol(evaten) corens der py/ tancie(n) vande(n) voirs(creven) godshuyse van ene(n) stucke lants gelege(n) op de wambeys/ streke It(em) sal de voirs(creven) wy(n)ne ten eynde vande(n) voirs(creven) t(er)mine de voirs(creven) lande/ laten alsoe hise vint in sine(n) income(n) dats te wete(n) twelf boend(er) en(de) drie/ dachmael besaeyt met wyntercorne op iiii getidege voren en(de) thien/ boend(er) gestort Item es vorw(er)de dat m(ijn) vrouwe en(de) de wynne voirs(creven)/ / op dat hen beyden ocht den ene(n) van hen genueght ten halve(n) tide vande(n)/ voirs(creven) t(er)mine deen vanden ande(re)n scheiden mogen en dat sal deen den ande(re)n/ een jaer te voe(re)n seggen Item es oec ond(er)sproke(n) dat de voirs(creven) wy(n)ne tcoren/ come(n)de van drien boende(re)n lants gelegen tusschen wencsele en(de) velthem sal/ moghen vue(re)n te wenczele in sijn huyse en(de) die drie boend(er) lants sal de/ voirs(creven) wy(n)ne tweellf mesten bynne(n) den voirs(creven) t(er)mine en(de) de helcht vande(n)/ coerne van vii dach(mael) lants die wae(re)n jans van velthem sal de voirs(creven)/ wy(n)ne moghen vue(re)n nae [ten naeste(n) oegtsste] sine(n) lesten jae(re) [uutvaert] daer hi wilt Item gevielt alsoe/ dat de voirs(creven) wy(n)ne bynne(n) sine(n) voirs(creven) t(er)mine schade hadde of lede van tempeeste(n)/ of van gemeyne(n) orloge daer af soude hem m(ijn) vrouwe rastoer doen gelijc/ ande(re) heren hoe(re)n wy(n)nen bove(n) en(de) benede(n) doen selen Hier af sijn borge(n)/ des voirs(creven) wy(n)nen als p(ri)ncipael sculde(re)n ongesund(er)t en(de) ongesch(eiden) en(de) elc voer/ al lambrecht lambrechs des voirs(creven) wy(n)ne(n) brued(er) mychiel rutgheerts jan hoeve/ en(de) willem hoeve swag(er)s des voirs(creven) [selfs] wy(n)nen Et p(ri)m[(us)] mulk(e) ouder(ogghe) no(vembris) ix[a]