Item peter lambrechts van haeght in jegewordich(eit)/ d(er) scepen(en) van loven gestaen heeft geloeft op sijn/ lijf en(de) op sijn goet en(de) op zoenbreke en(de) lantbre/ ke te sijn dat hij om negheenre zaken/ wille die gesciet sijn tot op huden tusche(n)/ hem in deene en(de) h(e)r(e)n adamen den zwerte(re)/ den selve(n) h(er) adame nu(m)mermeer wa(n)gonst/ hatye veede noch vyantscap doen noch/ dragen en sal (et)c(etera) noch daghen (et)c(etera)/ Bekennen(de) (et)c(etera) voshem burg(imagistro) wittema(n)/ hug(ar)den julii xxix[a]