Item arnt peermans geheten de cuyper van nederijssche in jeg(ewordicheit)/ heeft genomen ende bekent dat hij genomen heeft van/ jacob van ravesvoert becke(r) de goede h(ier) na gescreven Inden/ iersten eenen hof met eenen bogarde houden(de) te gader inde/ mate iii dachmael oft daer omtrint gelegen te loenbeke/ aen kellemans strate tuschen de selve strate en(de) de goede/ henrix van wylre Item eenen hof gelege houden(de) iii dach(mael)/ luttel myn oft meer gelegen aende voirs(creven) strate tuschen de/ selve strate en(de) de loenbeke Item (½) boender lants gelegen/ ten wuwe(re)n tuschen de goede arnt peermans en(de) jacobu(s)/ van ravesvoert Item noch (½) boender lants daer aen/ gelegen inden ande(re)n aert tuschen de goede jacobs en(de)/ / arnts voirs(creven) over beide de siden Te houden en(de) te hebben van/ halfmeerte neestcomen(de) eenen t(er)mijn van vii jaren/ langc deen na dander sonder myddel volgen(de) elcs/ jairs dae(re)n bynnen op en(de) o(m)me de helcht van alle den/ coerne en(de) vruchten den voirs(creven) t(er)mijn opte voirs(creven) goede/ wassende uutgenomen dat de voirs(creven) arnt inde appele/ die opte voirs(creven) goede wassen zullen egheen recht/ noch bewynt hebben en sall Item salle de voirs(creven)/ wynne tcoren opte voirs(creven) goede wassen(de) alle jare/ toeghste doen afmayen en(de) bynden en(de) dan sall hij jacob/ ontbieden en(de) deylen tcoren opt velt half en(de) half/ en(de) dan sall hij jacobs helcht in sijn schuere op sine(n)/ cost vueren En(de) als jacob sijn helcht gedorsschen/ wilt hebben so sall hij eene(n) derscher [d(aer) toe] hueren den/ welken hij de dachue(re)n betalen en(de) de voirs(creven) wynne/ den montcost geven sall en(de) dat gedaen sall de wy(n)ne/ jacob sijn helcht tsinen huys te loven leve(re)n Item/ sall de voirs(creven) arnt den hof daer den bogaert inne/ steet eens bynnen den voirs(creven) t(er)mijn wel en(de) loflic/ ov(er)mesten Item es vurweerde dat de voirs(creven) wynne/ ten lesten jare van sinen t(er)mijne eene(n) nuwen thuyn/ maken sall van beneden opte beeck tot aenden[opten] meer/ daer des voirs(creven) jacobs en(de) arnts lant scheiden Item/ sall de voirs(creven) jacob oe arnt opte voirs(creven) goede setten/ xxvi levende [willegen] poten die hij levende houden sall/totten vii jaer langc op also verdroeghde enige va(n)den/ selven poten dat hij een ander levende pote willege(n)/ in die stat wed(er) setten sall Item sall de voirs(creven) wynne/ / tvoirs(creven) lant tsinen afsceiden laten also h(ier) na volcht/ Te weten den hof daer den bogart inne leeght/ wel besaeyt op vier getidege voren half met/ t(er)wen en(de) half met rogge Item den hof daer/ neest eens o(m)me gedaen It(em) thalf boender ten/ wuwe(re)n gelegen neest tswynnen lande eens o(m)me/ gedaen en(de) thalf boender daer naest gelegen/ sall de voirs(creven) arnt geheel laten liggen En(de) dese/ vurw(er)den en(de) (con)dicien voirs(creven) heeft geloeft de voirs(creven)/ wynne den voirs(creven) jacob vast gestedich en(de) onverbre/ kelic te houden en(de) te voldoen tot allen tiden en(de)/ t(er)mijne(n) als sij vallen en(de) v(er)schinen sullen en(de) telken/ t(er)mijne als v(er)volghde schout H(ier) wae(re)n over pynnoc/ witteman sept(embris) xxvii