Item mychiel de becke(re) henric van mechlen en(de)/ harissen de zoelmake(re) in jeg(ewordicheit) hebben geloeft/ op hue(r) lijf en(de) op hue(r) goet en(de) op zoenbreke en(de)/ lantbreke te sijn dat sij om egheenre zaken/ wille die tot opten dach van heden [tuschen henlieden] geschiet/ sijn den selven janne nu(m)mermeer wangonst hatye/ veede noch vyantscap doen noch dragen en sulle(n)/ crencken noch hynde(re)n aen lijf noch aen goet noch/ daghen noch moeyen buiten lants noch te campe/ / eyschen Bekennen(de) en(de) v(er)lyende so waer sij/ h(ier) jegen daden oft deden doen dat sij hue(r)/ lijf en(de) goet v(er)buert souden hebben ond(er) wat hee(re)n/ oft gerechte sij vonden worden cor(am) kersmake(re)/ burg(imagistro) pynnoc milite calstr(is) scabinis oct(obris) xx[a] xii