Item es vurw(er)de van desen schoutbrieve daer met af de/ voirs(creven) rombout jan tvo(n)nisse heeft dat hij hem niet meer/ noch vorder behelpen en sal dan alleen [aen] iii stucke/ lants en(de) de helcht van eene(n) [een stucke van eenen] beemde van welken/ iii stucken deen [houden(de) i boend(er)] gelegen es te weerde opt weerd(er)velt/ tuschen m(ijn) jonch(e)r va(n) wesemale en(de) ja(n)ne boschman dand(er)/ stucke houden(de) (½) boend(er) es gelegen opt selve velt tusche/ h(er) peter vander roven en(de) m(ijn) jonch(e)r van wesemale/ tderde stucke houden(de) ii(½) dach(mael) es gelegen aldaer t(er)/ stat geheten toverwuwe(r) tuschen den p(ro)chiaen van/ weerde en(de) de molenbeke Item en(de) tvoirs(creven) stucke/ beemts houden(de) ii(½) dach(mael) es gelege(n) inde holleke/ tuschen h(er) pete(re)n vand(er) roven prieste(r) en(de) de goede/ der kercken van zeempse