Item quinten van bullestraten van herent in jeg(ewordicheit) d(er) scepen(en)/ van loven gestaen heeft genomen en(de) bekynt dat hij genome(n)/ heeft van jacob van ravesvoert becke(r) een stucke lants ge/ heten dlant van glymis gelegen inde p(ro)chie van herent/ Te houden en(de) te hebben van sente andriesmise appostels/ neestleden eenen t(er)mijn van thien jae(re)n langc deen na/ dander staphans volgen(de) elcs jairs dae(re)n bynnen op/ en(de) o(m)me sessendertich molevate rox goet en(de) payabel/ der maten van loven met wanne en(de) vede(re)n wel bereyt/ tsente andries misse appostels te betalen en(de) te loven/ tot jacobs huys te leve(re)n alle jae(re) den voirs(creven) t(er)mijn due(re)nde/ en(de) telken t(er)mijne als v(er)volghde schout Item sall de/ voirs(creven) quinten tvoirs(creven) lant laten tsinen afsceiden/ also hij dat vant tsinen aencomen En(de) dese vurw(er)den/ en(de) (con)dicien voirscr(even) heeft geloeft de voirs(creven) quinten den/ voirs(creven) jacob volcomelic en(de) all te voldoen en(de) te vol/ vueren tallen tiden en(de) t(er)mijnen als sij vallen en(de)/ v(er)schinen zullen en(de) telken t(er)mijn als v(er)volghde schout/ h(ier) wae(re)n over witteman hug(ar)den no(vembris) ix