It(em) henricus torf in deen zijde en(de) jan van/ gheele in dande(re) hebben geloeft elc den ande(re)n/ dat sij tuschen nu en(de) sondach neestcomen(de) hen/ vanden stoete tuschen hen beiden wesen(de) van alzulken/ goeden als hen beiden aengestorven mogen sijn/ van pete(re)n wilen torf henrix brued(er) en(de) oem des/ voirs(creven) jans verbynden sullen en(de) submitte(re)n voer/ scepen(en) van loven in segge(re)n te weten elc hue(re) in/ twee goede ma(n)ne die sij daer toe hie(re)n bynne(n)/ noeme(n) en(de) kyesen sullen den welken sij en(de) elc van/ hen alle hue(re) bescheit den in gescrifte ov(er)geven/ sullen te weten de aenlegg(er) bynnen sinen eysc(hen) den/ segg(er)s des v(er)antw(er)ders bynnen viii dagen na dat
//
de submissie gesciet sall sijn en(de) d(aer) op sall de v(er)antw(er)der/ sijn v(er)antw(er)den in gescrifte bynnen viii dagen d(aer) naest/ volgen(de) den segg(er)s des aenlegg(er)s ov(er)geven En(de) dat/ dan de segg(er)s aensprake en(de) v(er)antw(er)den beid(er) p(ar)tie(n)/ ov(er)gehat hue(re) seggen d(aer) af seggen sullen op/ dat sijs eens sijn bynnen viii dagen d(aer) naest/ volgen(de) en(de) oft sijs niet eens en worden dat/ sij dan eendrechtelic ten eynde van dien/ lesten viii dagen comen sullen voe(r) de hee(re)n/ tscepen(en) van halen [loven] en(de) halen des een vo(n)nisse/ als oft de zake met rechte bedingt wae(re)/ en(de) op beide d(er) p(ar)tijen geliken cost abs(oloens) boys/ fe(bruarii) ultima/