Cond zij allen luden [dat] jan uuter helcht soen lodewijx wilen/ uuter helcht in jeg(ewoirdicheit) der scepen(en) van loven gestaen heeft geg(even)/ ende bekynt dat hij gegeven heeft joesse uuter helcht sinen/ sone thuys en(de) thoff [der selfs jans] met allen sinen toebehoirten/ gelegen tot goethem inde p(ro)chie van werchte(r) [tieldonck] en(de)/ oec alle de wynnende lande des selfs jans inde p(ro)chie/ van werchete(r) [tieldonck] in alrehande plaetsen en(de) steeden ald(aer)/ gelegen Te houden te hebben en(de) te wynnen van/ den yersten daghe van meye nu neestcomen(de)/ eenen t(er)mijn van twelf jaren langc deen na/ dander staphans sonder myddel volgen(de) elcs jaers/ dae(re)n bynnen omme en(de) voer xviii mudde rogs/ en(de) twee mudde t(er)wen beyts corens goet en(de) payabel/ met wanne en(de) met veede(re)n wel bereyt der maten/ van loven tsente andries misse appostels te betalen/ en(de) te loven tot des voirs(creven) jans huys te leve(re)n alle jae(re)/ den voirs(creven) t(er)mijn due(re)nde en(de) telken t(er)mijne als ver/ volghde schout Item sall de voirs(creven) wynne opte voirs(creven)/ lande alle jae(re) tslants meesten profite leve(re)n en(de)/ vueren twelf voeder merghels Item sall hij oec/ alle jae(re) twee voeder steens halen en(de) bringhen/ aende voirs(creven) huyse o(m)me die zullen daer mede/ te maken Item sall de voirs(creven) wynne den voirs(creven) ja(n)ne/ alle jae(re) also vele vlas all op bereyt te loven/ tsinen huys leve(re)n als comen sall van eenen halster/ lijnzaets dwelc de voirs(creven) wynne jairlix opte voirs(creven)/ goede zayen sall Item sall de voirs(creven) wynne den/ voirs(creven) janne alle jae(re) sine(n) t(er)mijn due(re)nde wynte(re)n/ een coe en(de) een vercken gelijc den sinen Item sall/ de voirs(creven) wynne alle jae(re) van aende boeme/ / omtrint den voirs(creven) lande staende t(er) mynster scaden/ berhout maken en(de) de helcht d(aer) af den voirs(creven)/ janne te loven tsinen huys leve(re)n Item sall de/ wynne alle de grechten den wynnenden goede/ toebehoe(re)nde alle jae(re) wel en(de) loflic opgraven en(de)/ de huyse wael en(de) loflic houden van wande/ en(de) van dake Item gheviel aende voirs(creven) huyse/ yet te ty(m)me(re)n daer af soude de wynne den werclude(n)/ den montcost geven en(de) jan soude de dachue(re)n betalen/ It(em) de wynne sall den voirs(creven) janne alle jae(re)/ gheerden struncken en(de) leem halen en(de) vueren/ die aende huysinghen inde plaetse also v dicke/ als jan te doen hebben sall Item sall de voirs(creven)/ wynne alle dhoeft in beyde de bog(ar)de wassen(de)/ af doen doen en(de) de drie deel d(aer) af op sinen/ cost janne uut(er) helcht te loven leve(re)n Item sall/ de voirs(creven) wynne tdhur tduyfhuys int voirs(creven)/ hof staende sine(n) t(er)mijn due(re)nde half [hebben] en(de) daer voe(r)/ sall hij den duyven inden wynt(er) spijsen Item/ sall de voirs(creven) wynne den voirs(creven) t(er)mijn due(re)nde/ hebben deeuss [alle] deeussele metten [en(de)] beemde des/ voirs(creven) jans te tieldonc geleg(en) uutgenomen/ een boend(er) eeussels gelegen te bettenrode omme/ en(de) voe(r) xi g(ri)pen te weten xl pl(a)c(ken) alsulx/ payments als ten tide van betalingen in borsen/ gaen sall voer elken g(ri)pe gereeckent tsente/ mertens misse inden wynt(er) te betalen alle/ jae(re) den voirs(creven) t(er)mijn due(re)nde en(de) telken t(er)mijne/ als v(er)volghde schout Item sall de voirs(creven)/ jan int voirs(creven) hof behouden de nuwe kame(r)/ metten solde(r) Item sall de voirs(creven) wynne de/ / voirs(creven) lande wael en(de) loflic werven en(de) winnen/ gelijc sinen reengenoete(n) boven en(de) beneden en(de)/ die ten afsceiden van sine(n) t(er)mijn gewo(n)nen en(de)/ geworven laten also h(ier) na volcht Te weten/ den roggenen aert en(de) de t(er)we op vier getidege/ voren en(de) den ghersten(en) aert op de derde vore/ en(de) de brake eens o(m)me gedaen En(de) oft so/ wae(r) dat e(n)nich van hen beyden sceiden woude/ so zullen sij dat ten halven tide moghen doen/ behoudelic dat de gheene die also sceiden/ wilt den ande(re)n dat een jae(r) te voren sall laten/ weten En(de) alle dese vurs(creven) vurw(er)den en(de) (con)dicie(n)/(et)c(etera) h(ier)af sijn borgen des voirs(creven) wynnen als/ p(ri)ncipale sculde(re)n ongezundert henric keyenoege/ sijn sweer arnt vander hofstat en(de) jan danijs/ p(ri)m(us) witteman hug(ar)den ja(nuarii) xxvi