Item de voirs(creven) scepen(en) des jonch(e)r(e)n van bout(er)shem hebben getuycht/ dat sij opten selven jaer en(de) dach daer bij wae(re)n daer/ de voirs(creven) wouter meersman den voirs(creven) sinen zwage(re)n en(de)/ sweeg(er)innen geloefde so wa(n)neer de voirs(creven) willem de sceep(er)e/ sijn sweer van live t(er) doet comen wae(r) dat hij niet deyle(n)/ en soude inde goede des selfs sijns sweers Hij en soude/ yerst voer uut gekynt hebben kynnen en(de) gekynt hebben/ voer trecht dat den selven sinen zwage(re)n en(de) sweg(er)inne(n)/ in deylinghen [voert uut ge]vallen wae(r) een dachmael lants dat/ also goet wae(r) [sijn soude t(er) goed(er) ma(n)ne prise] als tgheene dat de voirs(creven) wout(er)s straes/ borchs gecocht heeft en(de) dat hij dan yerst in dande(r) goede/ die daer boven bliven soude voert met hen deylen soude/ En(de) gebeden den selven h(e)r(e)n den scepen(en) van lov(en) dat sij/ dat op hen tuyghen w en(de) segelen wouden eisd(em)