Item want stoet en(de) debat gheport en(de) opverstaen wae(re)n tusschen/ henricken torf cnape der stat van loven in deen zijde ende/ janne van gheele in dande(re) van alzulken goeden als hen beiden/ aengestorven mogen sijn van pete(re)n wilen torf brued(er) des voirs(creven)/ henrix en(de) oem des voirscr(even) jans en(de) oec So sijn beide de voirs(creven)/ p(ar)tijen comen voer scepen(en) van loven en(de) hebben hen vanden/ voirg(enoemde) stoete en(de) des daer aen cleven mach eendrechtichlic
//
ghesubmitteert en(de) verbonden in segge(re)n en(de) vruntlike yffene(re)n/ Te weten de voirscr(even) henric torff in lodewijck den rike/ en(de) henric de vernie(re) En(de) de voirs(creven) jan in steven/ smacht en(de) janne vanden vekene In des(er) vueghen dat/ de aenlegg(er) sinen eysch en(de) aensprake den segg(er)s des v(er)antw(er)ders/ in gescrifte ov(er)geven sall bynnen viii dagen nu neestcomende/ ende dat d(aer) op de v(er)antwerder sijn v(er)antw(er)den maken [en(de)] in gescrifte/ overgeven sall den segg(er)s des aenlegg(er)s bynnen xiiii viii dagen/ sonder myddel daer na volgen(de) En(de) dat dan de voirs(creven) p(ar)tien segg(er)s/ aensprake en(de) v(er)antw(er)den en(de) alle bescheit d(er) voirs(creven) zaken aengae(n)de/ metten waerh(eyt) die elc d(aer) op v(er)hoert sall willen hebben verhoert/ en(de) overgehadt hue(re) goetduncken d(aer) af eendrechtelic uuten(en)/ en(de) pronu(n)cie(re)n zullen op dat sijs eens en(de) van accorde sijn bynnen/ viii daghen daer naest volgen(de) En(de) oft sijs niet eens gew(er)den/ en wusten dat sij dan eendrechtelic bynnen den lesten/ ten eynden vanden voirs(creven) lesten viii dagen gaen souden met/ tgheen des voirs(creven) es biden hee(re)n den scepen(en) van loven en(de)/ halen d(aer) aff een vo(n)nisse int(er) op beide d(er) p(ar)tien geliken cost/ inder vueghen oft de zake na vormen van recht bedingct/ en(de) v(er)handelt ware End(e) oft e(n)nig(er) p(ar)tijen ennich segg(er) het/ wae(re) een oft meer gebrake so sall hij in de stat vanden ghene(n)/ die hem gebrect oft gebreken eene(n) oft meer geliken oft gelik(er)/ mogen nemen en(de) kiesen Geloven(de) de voirs(creven) p(ar)tien vast/ gestentich etc(etera) cor(am) abs(oloens) vynck m(ar)tii vii/