Item want stoet en(de) debat gheport en(de) opgestaen waren tuschen/ arnde vanden putte in steenmetse(re) in deene ende janne magerman/ barbyer in dander zijden spruytende en(de) oirspronc nemende/ van eenre want staende van beneden op deerde tot boven onder/ tdack tuschen huere beyder huyse aen een gelegen inde hoel/ strate jeghen den guldenen cop over inde porte aldaer van welken/ stoete en(de) twidrachte ende allen annde(re)n geschillen en(de) zaken/ tuschen den voirs p(ar)tijen vanden voirs(creven) hue(re)n erven aen een geleg(en)
//
uutstaende en(de) come(n) eendrechtelic opten dach van heden voer/ mychiele absoloens en(de) arnde vynck scepenen te loven ghe/ submitteert ende verbonden hebben in meester supplicio/ van vorst meester janne vander bruggen en(de) meester lode/ wijcke van hoevelt ghezworen werclude der stat van/ loven Ende geloeft voer hen voer hue(re) erfgenamen en(de)/ nacomelinghe vast ghestentich ende onverbrekelic te/ hebben en(de) te houden alle tgheent ende so wes de/ voirs(creven) ghezworen werclude(n) dair aff seggen en(de) voer hue(re)/ goetduncken eendrechtelic uuten en(de) p(ro)nu(n)cieren sullen/ So sijn de voirs ghezworen werclude opten dach van/ heden elker p(ar)tijen brieve recht en(de) bescheit [yerst] aengesien/ ghoert ende merckelic vertast eendrech comen voe(r)/ scepenen van loven hier na ghenoemt Ende hebben hue(re)/ seggen en(de) goetduncken vanden voirs(creven) stoete eendrech/ telic uutgesproken ende ghepronu(n)cieert inder vuegen/ also h(ier)na volght Inden yersten es hue(re) goetduncken/ en(de) seggen dat de voirs(creven) arnt ende jan op huerre/ beyder geliken cost opte selve plaetse daer de voirs(creven) want/ tot hertoe gestaen heeft ter stont sonder dylacie sullen/ doen metsen eenen muer eenen quareel dicke vander/ eerden beneden tot onder den ondersten solde(re) ende op beide/ de siden des selfs muers salmen wercken masiergate/ ende dien muer zullen sij en(de) huerre nacomelinghe/ van nu af aen erflic op hue(re)n geliken cost houden vortaen/ So es huerre seggen dat de voirs(creven) arnt alleene ter/ stont tgheen des voirs(creven) es gedaen sijnde vanden voirs(creven)/ muere ... tott(er) daghe toe een nuwe want maken/ sall op sinen cost Welc want met hue(re)n stilen en(de) toebehoirte(n)/ staen sall opte myddelt vanden voirs(creven) muere En(de) dat/ gedaen sijnde zullense de voirs(creven) p(ar)tijen erflic h(ier) na
//
volgende op hue(re) beyder geliken cost houden Item es noch huerre/ seggen dat de voirs(creven) jan magerman noch de sine doer sijn/ vynste(re)n ten erve weert des voirs(creven) arnts in egheenen tiden/ toecomende enig(er)hande dinck ghieten noch worpen en sall/ noch en zullen Ende voert dat de selve jan alle sijn vynste(re)n/ onder den ondersten zolde(r) staende tes voirs(creven) arnts erve weert/ t(er) stont v(er)collompnen sall ende sijn dore ten voirs(creven) erve weert/ oec staende bynnen der voirg(enoemde) porten v(er)metsen ende v(er)plecken/ ende die also vortaen vercollompt vermetst en(de) verplect vortaen/ houden Ende sullen noch en sall oec de voirs(creven) jan noch de/ sine egheen harincwater weycsel warmoes water noch ander/ onreinicheit op sinen watersten ten in gheenen tiden toeco/ mende mogen uutgieten allen argelist en(de) nuvonde h(ier)/ inne te mael uutgesceiden cor(am) lombart vynck martii viii/