Item dan es gevallen en(de) gebleven den voirs(creven) janne den rike/ inden name en(de) van weeghen der voirs(creven) machtilden sijns/ wijfs in sijn deylinghe de goede en(de) chijnse h(ier) na gescr(even)/ Inden yersten tderdedeel van eenen huyse en(de) hove met/ allen sinen toebehoirten gelegen inde pennincstrate ut sup(ra)/ te weten dmyddelste derdeel gelijc dit derdedeel vanden/ ande(re)n tween deelen met zeke(re)n teecken(en) ondersceiden en(de)/ geteeckent es Met vurwerden dat de voirs(creven) jan de rike/ eenen solde(r) in sijn gedeelte sall mogen maken ende die/ bruggen leggen opten balke vanden gedeelte des voirs(creven) huys/ dat woute(re)n in sijn deylinge gevallen es en(de) oec int ander/ gedeelte dat der voirg(enoemde) lijsbetten in huer deylinge gevallen/ es Maer waert also dat de voirs(creven) jan de rike enige scade/ dade aende want vanden gedeelte des voirs(creven) wouters oft/ daer aen yet brake dat hij dat soude de voirs(creven) jan de/ rike op sinen cost weder doen maken op den last daer voer/ uutgaende te weten xl s(cellingen) jairlicx chijns borse gelts te behoir/ liken tide te betalen erflic Item sal de voirs(creven) jan noch/

hebben in sijn deylinge een stuck lants gelegen achter/ sente katlinen tuschen de goede sprochiaens van sente/ mychiels en(de) de strate aldaer die gaet t(er) vesten weert/ op den last daer uut gaende te weten op vii oude cr(one)n/ en(de) eenen cappuyn out chijns en(de) xxxiii s(cellingen) jairlix/ / chijns borsegelts te behoirliken tide te betalen Item tder/ dedeel van eene(n) hove met eenen huyse daer/ op staende en(de) sinen toebehoirten gelegen inde/ ravestrate tuschen tdmiddeltste derdedeel dwec woute(re)n/ van wolputte in sijn deylinghe gevallen es en(de) de/ goede jans vander marct op tderdedeel van allen/ den laste en(de) co(m)me(r) daer uut gaende te behoirliken/ tide te betalen erflic Behoudelic dien dat de voirs(creven)/ jan de rike eenen voetpat erflic hebben sall over beide/ de gedeelte der voirs(creven) lijsbetten en(de) wouters o(m)me tot/ sinen gedeelte te gaen en(de) keeren [gelijc als dien voetpat daer nu gelegen es] Item sall noch hebben/ de voirs(creven) jan in sijn deylinghe tderdedeel vanden erf/ tsise h(ier) na gescr(even) en(de) dien salmen noemen gelijc hij/ inde vorste deylinghe steet abs(oloens) naen maii v