Item want stoet en(de) tebat opverstaen wae(re)n tuschen henricke van/ outssele wonen(de) tot westerle soen wilen gheerts in deen zijde/ en(de) reyne(re)n vanden loeken van westerle in dande(r) zijde van eenre/ gheloeften van waerscapen den voirs(creven) henricke biden voirs(creven)/ reyne(re)n gedaen van eenen huyse en(de) hove gelegen tot/ westerle bide plaetse aldaer tuschen de goede willem buets/ en(de) de goede des jonch(e)r(e)n van wezemale en(de) oec van zeke(re)n/ sculde(n) die de voirg(enoemde) reyne(r) meynt dat hem vanden voirs(creven)/ huyse de voirg(enoemde) henric sculdich soude wesen So sijn des/ de voirs(creven) p(ar)tijen op heden voe(r) scepen(en) van loven comen en(de) hebben/ hen daer af en(de) al der daer aen cleven mach ghesubmitteert/ in segge(re)n en(de) vrintlike yffene(re)n te weten de voirs(creven) henric in/ gheerde brueders en(de) henricke van outsele neve(n) des/

voirs(creven) tgoer te westerle wonen(de) en(de) de voirs(creven) reyne(r)/ in henricke eyckemans en(de) janne gielijs wonen(de) tot/ westerle Op also dat de voirs(creven) segge(re)n hue(r) seggen h(ier) af/ elker p(ar)tijen besceit [yerst] aengehoert uuten(en) zullen op dat/ sijs oft dmeeste deel van hen eens sijn tuschen dit/ en(de) sente jans dach baptisten neestcomen(de) En(de) oft sij des/ dae(re)n bynnen niet eens en worden noch uut en spraken/ so souden de voirs(creven) iiii segge(re)n bynnen viii dagen daer/ na eenen overman kyesen den welken sij beyd(er) p(ar)tijen/ bescheit ov(er)geve(n) souden en(de) daert die dan bynnen viii/ dagen daer neest volgen(de) seet daer saelt bliven/ En(de) oft enig(er) p(ar)tijen e(n)nich segg(er) gebrake so soude hij/ inde stat van dien eene(n) ande(re)n geliken mogen kyesen/ sond(er) argelist Geloven(de) vast en(de) gestedich (et)c(etera)/ hug(ar)den velde maii x