Item johannes goutsmeets van halen in jegewordicheit der scepen(en) van/ loven gestaen heeft geloeft op sijn lijf en(de) op sijn goet en(de) op zoenbreke/ peysbreke en(de) lantbreke te sijn dat hij come negheenre zaken wille/ die gesciet sijn tot opten dach van heden tuschen hem in deene/ en(de) tgodshuys van onse liever vrouwen troen bij grobbendonc in dande(re)/ zijden den prioer den procurator noch de gheene die den voirs(creven)/ godshuyse toebehoe(re)n nu(m)mermeer wangonst hatye veede noch/ vyantscap doen noch draghen en sall noch hue(re) gheen daghen/ noch moeyen buyten lants voer egheen gerechte gheestelic noch/ wereltlic bij hem selven noch nyemande anders in eniger wijs/ Bekynnende en(de) openbairlic verlyende so waer hij h(ier) jegen yet/ dade oft dede doen bij hem selven oft yemande anders in enig(er)/ vueghen dat hij peysbreke en(de) zoenbreke sijn soude en(de) verboert/ hebben sijn lijf en(de) goet onder wat hee(re)n oft gerechte hij oft/ die vonden souden werden Behoudelic dien heeft deen den/ ande(re)n met rechte aen te spreken dat hij dat sall moghen doen/ cor(am) lombart borch(oven) martii xi/