Item jacob van muysene vleeschouwe(r) in jeg(ewordigheit) d(er) scepen(en)/ van loven gestaen heeft geloeft op sijn lijf en(de) op/ sijn goet en(de) op zoenbreke en(de) peysbreke te sijn dat/sij hij h(er) wout(ere)n leeman priester o(m)me eghee(n)re/ zaken wille die sij met malcande(re)n gaens mogen/ hebben gehadt tot opten dach van heden den selven/ h(er) wout(ere)n nu(m)mermeer wangonst hatye veede/ noch vyantscap doen noch draghen en sal noch/ hem crencken noch hynde(re)n aen lijf noch aen/ goet noch te campe eyschen noch dagen noch/ moeyen buyten lants voer egheen gerichte/ gheestelic noch weerlic Bekennen(de) en(de) v(er)lyen(de)/ ope(n)bairlic so waer hij h(ier) jegen dade oft dede/ doen bij hem selven oft yemande anders/ dat hij zoenbreke en(de) lantbreke sijn soude/ en(de) verboert hebben sijn lijf en(de) goet onder/ wat heeren oft gerechte die vonden worden/ Behoudelic (et)c(etera) [k(er)smake(re)] abs(oloens) calstr(is) no(vembris) xii