SAL8107, Act: V°217.1 (235 of 331)
Search Act
previous | next
Act V°217.1  
Act
Date: 1436-01-19

Transcription

2019-06-24 by Karel Embrechts
Item gielijs teye van messelbroec in deen zijde en(de)/
wouter vander donck en(de) matthijs thijs die geleidt/
es totten goeden wouters vander donck in dande(r)/
zijde in jeg(ewoirdicheit) der scepen(en) van loven gestaen hebben/
geloeft elc ande(re)n dat sij de goede beyde have en(de)/
erve also die bleven sijn na en(de) vander doet/
arnts wilen vander schueren en(de) aleyten wilen/
sijns wijfs zweer en(de) sweger des voirs(creven) gielijs/
en(de) wouters [uytgesceiden huer huweleecke goede] bynnen xiiii nachten neestcomen(de)/
eendrechtelic scheiden en(de) deylen zullen in/
drien gelijcken gedeelten ende die also in/
drien gedeelten [gedeilt] sijnde sall den voirs(creven) gielise/
als mombors ydekens sijnre dochter die hij hadde/
van lijsbetten wilen sinen wive dochter des/
voirs(creven) wilen arnts en(de) aleyten deen derde/
deel daer af toebehoe(re)n en(de) volgen ende/
dan zullen den voirs(creven) wout(ere)n vander donck en(de)/
aleyten sinen wive oec dochter des voirs(creven) wile(n)/
arnts en(de) aleyten die ande(r) twee deel volgen/
en(de) toebehoe(re)n [en(de) voert dat elc na de ghelande van sine(n) ge deelte de schout der voirs(creven) wilen hue(r) sweg(er) heffen en(de) leggen zullen sall] Gelovende voert de voirs(creven) p(ar)tijen/
tgheen des voirs(creven) es malc ande(re)n vast en(de) ghe/
stentich te houden en(de) wael en(de) truwelic te/
voldoen sonder daer jegen te gaen te doen/
oft doen doen in enig(er) manie(re)n sond(er) fraude/
en(de) arge list pynnoc witt(eman) ja(nuarii) xix
Contributorskristiaan magnus
Moderated bykristiaan magnus
Last update: 2016-02-24 by xavier delacourt