Item gielijs van vynckenbosch ty(m)merman in deene en(de) wouter/ crauwels wonen(de) tsente marien tielt in dande(r) zijden in jeg(ewordicheit)/ der scepen(en) van loven gestaen hebben gemaect en(de) sijn zamentlic/ eens worden der vurw(er)den en(de) condicien h(ier) na bescr(even) Inden yersten/ es vurw(er)de en(de) heeft geloeft de voirs(creven) wouter crauwels den voirs(creven)/ gielise een goet costbaer huys te ty(m)me(re)n en(de) maken dwelc inde/ breydde sall houden xx voete en(de) boven eenen voet overspringe(n)s/ te weten aenden yersten solde(r) en(de) het sall langck sijn xxxii/ voete en(de) hebben v ghebynde te weten twee volle en(de)/ drie ydele gebynde Item het sall sijn ii solder hoghe/ en(de) beyde gebrugct op voets na een welc bruggen/ breet sijn zullen iii(½) duyme en(de) dicke iii duymen/ Item de [onderste] balke sullen sijn x duymen dicke en(de) xi/ / duymen hoghe Item dande(r) balke d(aer) na zullen sijn ix/ duymen dicke en(de) x duymen hoghe [en(de) de corbeele daer na] en(de) alle dese balke/ zullen sijn ten minsten eynde en(de) te huesschen kante/ Item de style sullen sijn xviii voete langc vii duyme/ dicke en(de) x duymen breet en(de) de corbeele daer na/ Item de kepers sullen sijn drie duymen dicke en(de) iii(½) duyme(n)/ breet en(de) op voets na een ghekepert Item de kappe/ sall sijn i(½) voet myn dan overspannen Item de worc/ wormynde zullen sijn vi duymen dicke en(de) vii duyme breet/ Item sall dit huys sijn gherijckelt vii rijckelen hoghe/ en(de) [sijn] ghebaut gegeven also den wercke toebehoert/ en(de) dan voert eenen rijcboem inde cappe een/ falyere onder de haenbalke met sijnre toebehoirten/ en(de) scheerstile welfhoute haenbalke en(de) alle ande(r)/ leeveringhe daer toe gedaen tot jan wercmans/ prise en(de) dit sall de voirs(creven) wout(er) ind(er) voirs(creven) manie(re)n/ volcomelic en(de) wale [van eycken(en) houte] volmaect leve(re)n te loven op derve/ daert hem gielijs wisen sall en(de) hij saelt h tuschen/ dit en(de) ons(er) vrouwen dach assumptio(n)is en(de) dan sall hijt/ voert hulpen richten also v(er)re hij dat onbeg(re)pen vanden/ ambachte doen mach en(de) dan sall hem de ten/ voirs(creven) dage de voirs(creven) gielijs betalen xxvii(½) gulden(en)/ te weten xl pl(a)c(ken) brabantschs payments gemeynlic in/ borsen gaende voer elken gulden gereeckent als v(er)volg(hde)/ schout hug(ar)d(en) naen m(ar)tii ultima