Item jan thuyns heeft geloeft in p(rese)ncien der scepen(en)/ van loven h(ier) na gescr(even) dat hij janne en(de) henricke bruyne(n)/ gebruede(re) noch huerre goede nu(m)mermeer aenspreken/ en sal noch mids gheenen brieven weeghen noch/ subtijlheiden moeyen noch beclagen van alzulken iii mudde(n)/ iii loepen myn erffrox d(er) maten van gheele als katline/ breems wittich wijf des voirs(creven) jan thuyns jeghen willem/ dzargers [en(de)] reyne(re)n vanden heesboeme na doet huers/ iersten mans in hue(re)n weduwen stoele op zeke(re) goede/ den voirs(creven) gebruede(re)n nu toebehoe(re)nde gecregen heeft/ vortaen so heeft geloeft de voirs(creven) jan thuyns dat hij de/ voirs(creven) katline sijn wijf in dien hebben sall dat sij bynnen/ xiiii nachten nu neestcomen(de) dat sij de selve geloefte/ den voirs(creven) gebruede(re)n vanden voirs(creven) erfpachte bynnen/ hue(re)n leven(e) nu(m)mermeer in gheenre manie(re)n ar noch/ hue(re) goede aen te spreken voer scepen(en) van gheele/ doen sall vynck voshem febr(uarii) xviii/