Item jan uuter helcht soen lodewijx wilen uuter/ helcht in jegewordich(eit) d(er) scepen(en) van loven gestaen/ heeft verhuert en(de) bekynt dat hij verhuert heeft/ gorde rabode diemen heet luyx een brukamme/ des voirs(creven) jans also sij gelegen es te tieldonck inde/ plaetse aldaer tuschen de goede arnts vander hofstat/ en(de) henrix vanden bossche metten brouketele twee/ groete cuypen eenen ondervate drie aemvaten/ twee openvate xiii treegelvaten vijf coelvaten/ twee stuycmanden eenen vier oest een stoecgaffele/ een schuype eenen oemer Te houden en(de) te hebben/ van ons(er) vrouwen daghe lichtmisse neestleden/ eenen termijn van vier jae(re)n langc elcs jaers/ hie(re)n bynnen omme ende voer sesse gulden/ peters der mu(n)ten h(er)toge philips h(er)toge van/ bourg(oign)[en] en(de) van brabant nu gemeynlic in/ borsen gaende oft de weerde daer af in ande(re)n/ goeden gelde te betalen tons(er) vrouwen daghe/ lichtmisse alle jae(re) den voirs(creven) t(er)mijn due(re)nde/ en(de) telken t(er)mijne als vervolghde schout ende/ op sesse gelten hoppen te betalen alle weecken/ den voirs(creven) t(er)mijn due(re)nde en(de) telken t(er)mine als/ v(er)volghde schout Item es vurw(er)de so wa(n)neer/ de voirs(creven) gord sijn hoppe tonnen sall dat hij/ dan dat janne uuter helcht sall laten weten/ en(de) dan sall de voirs(creven) jan sijn vi gelten hoppen/ altijt moeten doen halen Item sall de voirs(creven)/ / gord janne uuter helcht betalen xvi cronen te/ weten lxxii pl(a)c(ken) alsulcs payments als opten/ dach datum des briefs in borsen gaet voe(r) elc/ crone gereeckent en(de) xviii blau cronen te weten/ xl pl(a)c(ken) alsulx payments als voirs(creven) es voe(r) elc/ blau crone gereeckent te weten de voirs(creven) xvi/ cronen bynnen vi weecken neestcomen(de) ende/ de voirs(creven) xviii blau cronen te kersmisse oec/ neestcomen(de) en(de) telken t(er)mijne als v(er)volghde/ schout Item so wes de voirs(creven) gord inde voirs(creven)/ camme ten orbe(r) vander cammen doet wercken [maken]/ bynnen den voirs(creven) t(er)mijne dat sall de voirs(creven)/ jan sculdich sijn te betalen Item sall de voirs(creven)/ gord den voirs(creven) janne in sijn voirs(creven) camme/ te sinen afsceiden leve(re)n en(de) betalen [een] dusent/[eyckens] rijs ende xxiii wi lovensche wissen houts/ Item sall de voirs(creven) gord de huysinghen vander/ voirs(creven) cammen ende alle de instrumente/ daer toe dienende te sinen afsceiden vand(er)/ voirs(creven) cammen also goet laten als hij die/ aenveerde te sinen aencomen En(de) alle dese vurw(er)de(n)/(et)c(etera) h(ier) af sijn borgen merten vanden vekene geheten/ luyx en(de) jan hers van herent p(ri)m(us) abs(oloens) calstr(is)/ oct(obris) xx