Item [her] gherd huyghe canoninc te lyere en(de) h(er) claes vanden eynde ca(n)noninc/ tsente pet(er)s te ludick in p(rese)ncia hebben geloeft ongezundert en(de) ongesceiden/ voer hen en(de) hue(r) erfg(enamen) claesse van stakenborch voirs(creven) en(de) sinen erfgenamen dat/ zij zulle(n) draghen en(de) betalen op hue(re)n last de helcht van alle d(er) makin/ ghen en(de) besetsele die gerard wilen vanden steene in sinen uut(er)sten maecte/ en(de) besette van sine(n) goeden betaelt te werden voertaen So hebben sij oec/ geloeft den voirs(creven) claesse oft also wae(r) dat henric van wencsel joffr(ouwe)/ katlinen vanden steene sijn wech wettich wijf ov(er)leefde dat sij dan de helcht/ van des selfs jans henricx duwarien jairlix betalen zullen sond(er) den/ voirs(creven) claesse oft sijn goede d(aer) af te laten belasten in eniger wijs Oec/ zullen sij de helcht van alle d(er) onbetaelder schout en(de) co(m)me(r) hoedanich die/ sijn des voirs(creven) wilen gerards half draghen en(de) betalen en(de) sonder fraude/ en(de) argelist Et p(ro)inde oblig(averunt) nycholao p(re)d(i)c(t)os lx florenos hollandren(ses)/ eisd(em)