It(em) jan madea in pr(ese)ncia heeft mechtich gemaect/ gheconstitueert en(de) met sinen rechten wille volcomen/ macht gegeven [tot sinen wederroepi(n)ge] janne van bolgry en(de) janne/ calaber alle sijn goede sij sijn leene tsijsgoede/ eygen(en) oft hoedanich die sijn oft men die
//
noemen mach tot berghen opten zoom en(de) elswae(r) [geleg(en)]/daer omtrint [met rechte gelegen aen te tasten] te gouverne(re)n te rege(re)n die te bedinghen/ te vercoepen te verande(re)n int recht en(de) daer buyten/ te v(er)antwerden ende alle tgheene te doen en(de) daer/ inne te voert te keeren des de selve jan in sine(n)/ p(ro)pe(re)n p(er)soene doen soude moghen oft hij daer/ jeghewordich ware Gelo Gelovende de selve/ jan vast ghestedich onverbrekelic en(de) van weerden/ te hebben en(de) te houden al voer hem en(de) sijn nacome/ linghen sonder ummermeer daer jeghen te doen/ te gaen oft te doen doen bij hem selven oft yeman(de)/ and(er)s alle tgheene en(de) so wes de voirs(creven) jan en(de)/ jan h(ier) inne gedaen ghearbeyt en(de) voertgekeert/ zullen hebben