Item gord roelofs en(de) jan van ov(er)wynghe de jonge scepen(en) te loven doen cond dat/ gestaen in onser p(rese)ncien en(de) jegewoerdich(eit) jan ouderogge henric vander molen/ vranck willemaer wonen(de) inde scrijnstrate en(de) wout(er) maes als segge(re)n voer/ scepen(en) van loven gecoren gecoren tuschen willem(me) nagel en(de) janne sinen/ soen van alzulken twiste alzulc als tuschen henlieden van zeke(re)n erfgoeden op/ gestaen en(de) geport was gelijc die submisse d(aer) af voer scepen(en) van loven/ voirg(enoemt) cleerlik(er) uutwijst hebben vanden voirs(creven) twiste hue(r) seggen gezeeght/ en(de) eendrechtelic uutgesproken inder manie(re)n h(ier) navolgen(de) Inden yerste(n) es/ huer seggen dat jan de sone erflic houden en(de) besitte(n) sall en(de) sinen wille moge(n)/ doen mette(n) huysen en(de) hove(n) opten keyberch met hue(re)n toebehoirte(n) en(de) oec/ mette(n) xl roede(n) wy(n)garts opte(n) kesselberch gelegen welke goede de/ voirs(creven) willem nagel den voirs(creven) janne sine(n) soen in houwelik(er) vurw(er)den/ gegeve(n) heeft Item es huer voert huer dat de voirs(creven) jan de soen/

den voirs(creven) willem(me) sine(n) vader tsente m(er)tens misse geve(n) en(de) betale(n) sal/

iiii gulden pet(er)s q te wete(n) l pl(a)c(ken) alzulcx paymints alsnu gemeynlic/

in borsen gaet voer elke(n) pet(er) gerekent als vervolghde schout It(em)/ hebben sij voert geseeght dat jan den wijn die te wijntide gewasse(n)/ sall sijn op (½) vierdel wijngaerts geleg(en) opte(n) selve(n) berch hebben/ en(de) afdoen sall en(de) dat dan de voirs(creven) willem tvoirs(creven) (½) vierdel aenveerde(n)/ en(de) sijn leefdage behouden sall en(de) dat dan na sijn doet tselve (½) vierdel/ come(n) sal opte(n) voirs(creven) ja(n)ne nagel oft sijn naeste erfg(enamen) It(em) hebbe(n)/ sij oec gezeeght dat de voirs(creven) p(ar)tien h(ier) mede te vreden sijn zulle(n)/ en(de) hie(re)n boven malc ande(re)n nu(m)mermeer moyen noch vexe(re)n voer/ egeen ger(icht) (et)c(etera) van eghene(n) saken die sij met malc ande(re)n gaene/ tot op hude(n) (et)c(etera) dwelc seggen heb de voirs(creven) p(ar)tien geloeft/ hebben vast gestentich en(de) onv(er)brekelic te houde(n) also dat/ elke(n) van hen toe ewege(n) dage(n) vast en(de) zek(er) genoech/ sijn mo moege xvii xvi in julio