Van hector yngelant en(de)/ janne coppens/ Item vanden gedinghe dat geweest es voer meye(r) en(de) scepen(en)/ van loven inde banck aldaer tuschen willeme vander ca(m)men/ soen adaems wilen vander cammen die na den rechte der/ stat van loven comen en(de) geleidt es totten goeden have/ en(de) erve marien coel van goeyke gelegen onder in deen/ zijde en(de) hector yngelant en(de) janne coppens in dande(r) zijde/ vanden goeden hier na gescr(even) te weten van eenen bloke lants/ houden(de) een boender dwelc nu t(er) weyden leeght ter stat/ geheten ter loe neest den goeden arnts vanden veedegate/ Item van (½) boender lants gelegen opte loebeke bide goede/ jans lyevens van bruessel Item van iii vierdelen weyen/ gelegen neest den goeden margrieten wilen wouters/ Item van i dachwande en(de) xxv roeden weyden gelegen/ aende woeninghe marien srubben Welke goede de
//
voirs(creven) willem vander cammen meyndde dat hem en(de) sinen/ beleide volgen souden mids alrehande reden(en) die hij/ daer toe alligeerde daer aff de voirs(creven) hector en(de) jan/ de (contra)rie mainteneerden seggen doende dat hun de/ voirg(eruerde) goede metten vo(n)nisse inden hove van camerijc/ aengewesen waren mids den welken sij hun toebehoe(re)n/ souden en(de) sculdich wae(re)n te volgen Hebben de/ scepen(en) van loven t(er) manissen tsmeyers van loven ghe/ wesen voer een vonnisse dat men den voir willem(me)/ vanden voirs(creven) goeden houden sall in sinen beleide maer/ want sij verstaen datter vo(n)nissen afgegaen sijn inden/ gheesteleecken hof die laten sij gaen daer sij sculdich/ sijn te gaen p(rese)ntib(u)s kersmake(re) roelofs borch(oven) smacht/ borch(oven) overwinghe iunior smet sept(embris) xxvii