Cond sij allen luden dat vrank trappenier en(de) peter yden van meerbeke bij/ ev(er)sberge in jeg(enwoirdicheit) d(er) scepen(en) van loven gestaen hebbe(n) genome(n) en(de) bekynt dat/ sij genome(n) hebben van arnde vynck de hove des selfs arnts geleg(en) te meerbeke/ bij eversb(er)ghe deen biden ande(re)n mette(n) wynnen(de) landen d(aer) toe hoe(re)nde geleg(en)/ te meerbeke tot ev(er)sb(er)ghe te b(er)them en(de) d(aer) omtrint en(de) metten beemde(n) ende/ eeusselen h(ier) na bescr(even) oic aldaer geleg(en) Te houden en(de) te hebbe(n) de voirs(creven)/ wynnen(de) lande van halfmeye neestlede(n) eene(n) t(er)mijn van viii jae(re)n langc/ elx jae(re)n dae(re)n by(n)nen o(m)me en(de) op de helcht van allen den coerne ende/ vruchte(n) jairlix op te voirs(creven) lande wassende en(de) de voirs(creven) beemde ende/ eeusselen te wete(n) den beemd geleg(en) inde goerstrate houden(de) v dach(mael)/ oft d(aer) omtrint Item (½) boend(er) eygents beemts geleg(en) acht(er) dblock dat/ geleg(en) es acht(er) de schue(re) des voirs(creven) arnts Item v dach(mael) beemts geleg(en)/ neven dvoirs(creven) halfboender Item eene(n) beemd gecreg(en) jege(n) den hee(re) van/ rotselaer geleg(en) acht(er) thof van rots(elaer) te meerbeke en(de) mett(er) helcht/ wynnighen beemde It(em) v vierdel beemts geleg(en) int gemeynbroec Item/ noch (½) dach(mael) beemts geleg(en) inde stockbeemde van sente m(er)tens misse/ neestlede(n) eene(n) t(er)mijn van viii jae(re)n langc due(re)nde deen na dand(er) sond(er)/ / myddel volgende elx jaers hie(re)n by(n)nen o(m)me xx g(ri)pen te wete(n) xl pl(a)c(ken) alzulcx pay(ments)/ als ten tide van betalinge(n) gemeynlic in borse(n) gaen voe(r) elke(n) g(ri)pe gerekent/ tsente m(er)tens misse vallen(de) en(de) inden mey onbegrepe(n) te betalen [alle jae(re) de(n) voirs(creven) t(er)mijn due(re)n(de)] en(de) telken/ t(er)mijn als v(er)volghde schout end(e) oic op alle(n) den tshijns en(de) co(m)mer uut alle(n)/ den voirs(creven) beemde en(de) oic uuten huyse en(de) bloke acht(er) de schue(re) vande(n) hove/ dat geleg(en) [gecrege(n)] was jeg(en) de kynd(ere) lacharts geleg(en) [gaende] te behoirlike(n) tide te betale(n)/ jairlix den voirs(creven) t(er)mijn due(re)nde en(de) telke(n) t(er)mijn als v(er)volghde schout/ Item es vurwerde dat de voirs(creven) wy(n)nen jairlix als tcoren en(de) de vruchte(n)/gewasse(n) opte voirs(creven) goede gw gewasse(n) tijt veerdich sijn zullen de selve/ vruchten op hue(re)n cost afdoen sulle(n) mer sij sulle(n)t den voirs(creven) arnde/ te vore(n) late(n) wete(n) op dat hij van sine(n)t wege(n) ieman(de) d(aer) bij seinde(n) mach/ en(de) die vruchten afgedaen sulle(n) sij van elke(n) stucke arnde sijn helcht/ in sijn schue(re) leve(re)n op hue(re)n cost [eer sij hue(re) helcht afvue(re)n oft ewech zulle(n) moge(n) doen] Voert es vurwerde dat die/ wy(n)nen voirs(creven) de voirs(creven) goede also wel de verste als de naeste den voirs(creven)/ t(er)mijn due(re)nde wy(n)nen werven hanteren en(de) mesten zullen gelijc hue(re)n/ reengenoete(n) bove(n) en(de) beneden Item zulle(n) de voirs(creven) wy(n)nen alle stroe en(de)/ voesteringhe vande(n) voirs(creven) goeden comend(e) jairlix vuere(n) inde voirs(creven) hove/ en(de) dat ald(aer) ette(n) en(de) slite(n) met hue(re)n beeste(n) en(de) te meste make(n) en(de) dmest/ weder uut w vuere(n) opt lant slants meeste(n) p(ro)fijte en(de) op tleste jaer/ allet stroe en(de) caf dat hen bove(n) hue(re) voesteri(n)ge overe(n) sal late(n) in de voirs(creven)/ hof en(de) [dat] niet moge(n) vercope(n) noch ewech vercope(n) vuere(n) Item sulle(n) de/ voirs(creven) wy(n)nen op tleste jaer van hue(re)n t(er)mijne alle dmest int voirs(creven) hof/ wesende uut voirs(creven) hof vuere(n) op tvoirs(creven) lant als wel op dverste/ als op dnaeste slants meeste(n) p(ro)fijte Item zulle(n) de voirs(creven) wy(n)nen/ alle jae(re) den voirs(creven) t(er)mijn due(re)nde houde(n) int voirs(creven) hof c hoetscape It(em)/ zulle(n) de wy(n)nen houde(n) vi costbae(re) p(er)de twee wagen(en) drie pluege/ sesse melcoyen sesse stucke leedichs veets Item sij sulle(n) opte voirs(creven)/ lande alle jae(re) vuere(n) twelf voeder mergels met drie goede p(er)den en/ wesmen meer doet m(er)gelen oft grave(n) dat zulle(n) sij te gelike betale(n)/ en(de) arnt sal de perthue(re)n te [tpertgelt] betale(n) vande(n) m(er)gelen It(em) de wy(n)nen/ zulle(n) voer uut hebben eene(n) hoecke vanden bloke acht(er) den groten/ stal strecken(de) van aen dat beexke(n) tot opte(n) hoec vande(n) stall en(de) des/ sal arnt hebben een dach(mael) lants geleg(en) d(aer) jege(n) over/ / Item es vurwerde dat de voirs(creven) wy(n)nen jairlix ten behoirlike(n) tide betale(n)/ zulle(n) alle de(n) co(m)mer en(de) tsijns uuten voirs(creven) hove met sijnder toebe/ hoirte(n) gaende Item sulle(n) de voirs(creven) wy(n)nen de huysinghe vanden/ voirs(creven) hove den voirs(creven) t(er)mijn due(re)nde houde(n) vander ond(er)ster rikele(n)/ ned(er)wert in goeden state Voirt zullen de voirs(creven) wy(n)nen jairlix/ geve(n) en(de) leve(re)n int voirs(creven) hof sestich mandele(n) goeder cusbae(re)/ walmere o(m)me de huysinge vande(n) voirs(creven) hove mede te decke(n)/ en(de) alsmen die ald(aer) verdect so zullen de wy(n)nen den wercluden/ den montcost geve(n) en(de) arnt sal de dachue(re)n betale(n) It(em) zullen de/ voirs(creven) wy(n)nen des voirs(creven) arnts core(n) te love(n) leve(re)n als gedorsche(n)/ es op hue(re)n cost It(em) sal de voirs(creven) arnt en(de) de wy(n)nen hebbe(n) half en(de)/ half alle doeft dat opde voirs(creven) goede jairlix wasse(n) sal en(de) dat/ te gelike op hae(re)n gemeyne(n) cost t(er) erde(n) leve(re)n en(de) dan sulle(n)/ de voirs(creven) wy(n)nen arnde sijn helcht op hue(re)n cost te love(n) leve(re)n/ It(em) waert also dat op de voirs(creven) goede e(n)nige boeme v(er)droeghden/ bynnen den voirgenoempden termijne die zulle(n)/ de wy(n)nen hebbe(n) en(de) afhouwen mogen en(de) voe(r) elke(n) v(er)droeghden boem ii/ levende poete(n) vande(n) selve(n) aerde sette(n) en(de) planten It(em) so es ond(er)sproken/ dat die voirs(creven) wy(n)nen den voirs(creven) t(er)mijn due(re)nde gheen and(er) lant en sulle(n)/ houde(n) noch wy(n)nen dan des voirs(creven) arnts lant It(em) sulle(n) de voirs(creven) wy(n)nen/ de voirs(creven) goede jairlix wel en(de) loflic bevrede(n) grechte(n) en(de) ryole(n) en(de) ten/ eynde van hue(re)n t(er)mijne wel en(de) loflic bevreedt gegrecht en(de) geryoelt late(n)/ Item zulle(n) de voirs(creven) wy(n)nen de(n) poel liggen(de) aende myleycke bove(n) wolfput [wolfputte]/ late(n) [te(n) eynde] van hue(re)n t(er)mijne gelijc dat site(n) vinde(n) te wete(n) wel en(de) loflic/ geveecht vier voete diepe by(n)nen boerts It(em) en sulle(n) de voirs(creven) wy(n)ne(n)/ op de selve [leste] drie jae(re)n van hae(re)n t(er)mijne gheen lant moghen/ hoervruchte(n) It(em) es vu vurw(er)de waert also dat de voirs(creven) arnt/ e(n)nich mest cope(n) woude dat dat de voirs(creven) wy(n)nen hem vue(re)n sulle(n) op/ hue(re)n cost op dvoirs(creven) lant slants meeste(n) p(ro)fite Voert meer es/ vurw(er)de en(de) ondersproke(n) dat die voirs(creven) wy(n)nen de voirs(creven) lande/ totte(n) voirs(creven) hove behoe(re)nde ten eynde van hue(re)n voirs(creven) t(er)mijne late(n)/ zulle(n) ind(er) manie(re)n h(ier) na volgen(de) Te weten inde boshulte v boender/ en(de) iii dach(mael) d(aer) af een half boend(er) met t(er)wen en(de) dand(er) met/ wynt(er) rogge en(de) al op iiii getidege vore(n) It(em) noch iii dach(mael)/ / opde(n) quaden wech neve(n) den geer met rogge It(em) (½) boend(er) op den grote(n) perre/ en(de) xv roeden half met t(er)wen en(de) half met rogge geleg(en) acht(er) den ballris/ It(em) een boender opden hoesb(er)ghe It(em) iii boend(er) aan comans wilghe(n) diemen/ heet sterx streke It(em) noch iii(½) dach(mael) geleg(en) inde p(ro)chie van b(er)the(m) ond(er) comsus/ heyde It(em) noch i(½) dach(mael) d(aer) neven gelegen inde selve p(ro)chie It(em) noch i bloc/ gehete(n) stex sterx block met t(er)wen besaet en(de) te [alle] gad(er) op iiii getidege vore(n)/ It(em) de ix dach(mael) inde sterx streke neve(n) coemans willigen met evene(n)/ op twee getideghe vore(n) It(em) vi(½) dach(mael) aende boshulte met wynt(er)coerne/ dat derde schoef en(de) vierde schoef was op iiii getidege vore(n) met wy(n)t(er)coerne/ It(em) een block aende perre met soelder t(er)we(n) houden(de) v dach(mael) en(de) dat/ moge(n) sij op tleste jair hoer vruchte(n) It(em) noch iii(½) dach(mael) opde boshulte/ met wyntercoerne op vier vore(n) geleg(en) tusche(n) de goede jans keyenoechs/ en(de) arnts vyncx It(em) (½) boend(er) ond(er) robeerts robeerts bosch met evene(n)/ It(em) noch i(½) dach(mael) opt rot ond(er) de wijngart It(em) noch i dach(mael) d(aer) neve(n)/ bid(er) p(ro)vende(n) lant van meerbeke met evene(n) It(em) noch i boend(er) ald(aer)/ neve(n) de ov(er)ste h(er)strate It(em) noch iii(½) boend(er) acht(er) arnts sterx hof/ opde co(n)nemynne It(em) noch v vierdel op tselve velt aende ov(er)ste/ h(er)strate It(em) noch (½) dach(mael) d(aer) neve(n) op tselve velt q aende(n) quade(n) wech/ It(em) noch v vierdel d(aer) neve(n) op tselve velt It(em) noch iii dach(mael) opt/ selve velt aent svroeys gat It(em) noch iii vierdel op tselve velt aenden bochute/ It(em) noch (½) dach(mael) d(aer) neven geleg(en) Item noch i dach(mael) acht(er) janne schoesitter op tselve velt/ It(em) noch iii(½) dach(mael) op tselve velt vande(n) lande van hafflige(m) neve(n) jans/ lant vand(er) molen cled(er)make(r) It(em) i dach(mael) opt selve velt acht(er) jans vande(n) hove It(em)/ v vierdel lants opde co(n)nemynne dat jan de schoesitte(r) gewo(n)nen heeft/ met evene(n) It(em) noch (½) boend(er) op tco(m)mevelt aen bog(ar)tsdelle geleg(en) tuschen dien/ van vlied(er)beke en(de) arnt vyncken en(de) van dese(n) voirs(creven) landen sal hij late(n) besaet/ x dach(mael) met g(er)sten op drie getidege voren en(de) dat ander onder op ii/ getidege vore(n) met evene(n) noch sal hij besaet late(n) lacharts block acht(er)/ de schue(re) al met g(er)ste(n) op drie getidege voren Voert meer zullen de voirs(creven)/ wy(n)nen ten eynde van hue(re)n t(er)mijne late(n) de lande h(ier) na bescr(even) brake en(de) met/ eenre getideg(er) vore(n) eens o(m)me gedaen It(em) inden ierste(n) v vierdel aen anthonijs/ block van langrode opde groeve It(em) noch viii(½) boend(er) op tselve velt/ aen vinx bosch en(de) h(er) wout(er)s keyenoechs landt It(em) (½) boend(er) op tselve/ velt bove(n) de h(er)strate It(em) noch (½) boend(er) neve(n) tbeke(n) op tselve velt/ It(em) noch i dach(mael) opt selve velt neve(n) arnts lant van heyst/ It(em) va noch een groet halfboend(er) geleg(en) te ev(er)sb(er)ge opde ned(er)soech/ / op een vore It(em) dblock achter den groten stall op 1 vore It(em) dblock acht(er) de/ schue(re) van rots(elaer) op een vore It(em) men sall late(n) (½) boend(er) opten ned(er)sten/ chout(er) op een vore It(em) vi dach(mael) en(de) i(½) aende boshulte vercreg(en) jegen/ arnde van heyste op iiii getidege voren met wynt(er) coren It(em) dat/ block aenden perre met soelder t(er)wen op iiii vore(n) It(em) dblock achter de/ schue(re) op i vore It(em) dblock acht(er) den grote(n) stal op i vore It(em) ii(½) dach(mael)/ met wynt(er)coerne op die boshulte tusche(n) arnde vynck en(de) janne keyenoegh/ It(em) v vierdel dat die schoesitte(r) plach te wy(n)nen opde co(n)nemynne met/ evene(n) op ii vore(n) It(em) vi dach(mael) aende boshulte dat heyde plach te sine/ dat sal hij late(n) met rogge op iiii getidege vore(n) It(em) es h(ier) inne oic ge/ vorw(er)t dat de voirs(creven) arnt vynck [en(de) de wynnen] dwoenhuys int hof van rotselaer/ behoude(n) sal tsine(n) p(ro)fite [sulle(n) thue(re) beid(er) behoef] It(em) de beemde gecreg(en) jege(n) de hee(re) van rots(elaer)/ zulle(n) sij alle ae(n) de slippe(n) en(de) grechte(n) doen vage(n) en(de) ruyme(n) gelijc/ arnt die nu heeft doen vage(n) en(de) ruyme(n) [en(de) alle dese vurw(er)den (et)c(etera)] en(de) h(ier) af sijn borgen/ arnt yde(n) pet(er)s vad(er) voirs(creven) willem yden oic soen des selfs arnts/ henr(ic) wisschart van ev(er)sb(er)ghe henr(ic) rubloet de oude jan trappenir/ vranx soen en(de) olivier vand(er) vorst prelii? duo cap(elle)[ma(n)] smet dec(embris) x[a]