Item jan deeccle van aubenton voirscr(even) in jegewordich(eit) der scepen(en)/ van loven gestaen heeft geloeft h(e)r(e)n henricke oelsleeg(er)/ priester dat hij sijn aengedeelte vanden lxxii rinschen gul(den)/ diemen d(er) cap(it)len van sente pet(er)s sculdich es en(de) daer voe(r) de/ voirs(creven) h(er) henric d(er) voirs(creven) cap(it)len geloeft heeft mett henricken/ natuerlic soen meest(er) henrix wilen van hug(ar)den en(de) katline(n) van/ leeuwe moed(er) des selfs henrix betalen en(de) uutleggen sall na/ de gelande van sinen goeden en(de) [...na de gela(n)de] dat sijn gedeelte vanden goede(n)/ acht(er) den voirs(creven) meest(er) henricke gebleven beter sijn es dan/ tgedeelte des voirs(creven) henrix en(de) sijnre moed(er) op dese vueghe/ dat de selve h(er) henric alle de have het sij van cleede(re)n/ boecken en(de) huysrade en(de) ande(re) hoeme(n) die noeme(n) mach
//
die achter den voirs(creven) meest(er) henricke bleven es met rechte crige(n)/ sall en(de) v(er)volgen also verre hij sall connen en(de) mogen en(de) die v(er)coepen en(de) de pe(n)ninge daer af den voirs(creven) janne deeccle en(de) henricken en(de) sijnre moeder te hulpen bringhen ind(en) gulden vanden/ voirs(creven) lxxii rinschen gul(den) sond(er) frauden en(de) argelist heeft/ voert geloeft de selve jan h(e)r(e)n henricke voirscr(even) oft/ wouter [oec] natuerlic soen des voirs(creven) wilen meest(er) henrix h(ier)/ namaels den voirs(creven) h(e)r(e)n henricke ov(er)mids der voirs(creven) guedi(n)ge(n)/ oft ande(re)n zaken die tot desen dage gesciet mogen sijn aensprake/ quelde moeydde oft vexeerde en(de) dat de voirs(creven) h(er) henric/ d(aer) o(m)me enige scade hadde oft lede dat hem de selve/ jan alle alzulken scade metten voirs(creven) henricke sine(n)/natuer zwager na de gelande van sine(n) goede(n) oprichten soude tot sijnre mani(n)gen t(er) goed(er) meyni(n)gen en(de) sond(er) argelist/ eisd(em)