It(em) ghijsbrecht van rode godevarts soen heeft geloeft h(e)r(e)n claesse/ van sente goerix ridder meye(r) te loven dat hij bynnen der/ stat van loven sall bliven ende daer uut niet scheiden bij/ daghe noch bij nachte(n) in gheenrewijs voer aend(en) tijt dat/ hij vanden voirs(creven) h(e)r(e)n claesse metter mynnen oft metten rechte/ ontslaghen sall sijn van als vand(en) zaken d(aer)af onse gened(ichen)/ hee(re) heeft doen bevelen sine(n) officie(re)n die vanden bossche over/ al geco(m)mert w(er)den en(de) oft gebuerde dat hij uut loven/ toghe bij daghe oft nachte ongesleten vanden voirs(creven) h(e)r(e)n claesse/ en(de) sond(er) sijnen weten So heeft d h(er) willem van montforde/ hee(re) tot lathum ridder den voirs(creven) h(e)r(e)n claesse vijfhondert/ gulden riders ons gened(ichs) hee(re)n mu(n)ten [als dan] tot sijnre manisse(n)/ geloeft te betalen als v(er)volghde schout p(ri)m(us) borch(oven)/ hug(ar)den sept(embris) xx xix
//