Cond sij allen lieden dat jan zomer sone wilen henrix zomer wonen(de)/ te binckem es come(n) in jeg(enwoirdicheit) d(er) scepen(en) van loven en(de) heeft genome(n) en(de) bekent/ dat hij genomen heeft van henricke mynnemoen de molen des selfs henri(cus)/ met allen hue(re)n toebehoirten te byvoirden gelegen Te houden [en(de)] te hebben van kersmesse/ naestcomen(de) ene(n) termijn van sess jae(re)n lang deen nae dand(er) sond(er) middel volgende/ elx jaers dae(re)n bynnen om xxiiii mudde(n) rogs alsulx als de molen wynnen/ sal goet en(de) payabel d(er) maten van thienen te weten vi halst(ers) d(er) selv(er) maten voer/ elc mudde gereekent te kersmesse te betalen en(de) te loven te leve(re)n [alle] jae(re) den voirs(creven)/ t(er)mijn due(re)nde quolib(et) dierste betalinge d(aer)af inne te gaen van kersmesse naestcomen(de)/ bynnen ene(n) jae(re) d(aer) naestvolgende(n) en(de) niet eer Item es vorweerde dat de voirs(creven) jan/ alle jae(re) bove(n) den voirs(creven) pacht uut d(er) voirs(creven) molen betalen zal tgheen dat h(ier) nae/ volght Yerst mijne(n) gened(igen) he(re) x halst(er) rogs x halst(er) garsten xx halst(er) evene(n)/ d(er) maten van thienen Item den jonch(er) van boutershem v halst(er) rox v halst(er)/ gersten xvi halst(er) evenen d(er) selver maten Item den commendeir van bynckem/ ii mudde rogs alsulker maten als boven Item will(el)me van kerstbeke en(de) janne vande(n)/ schelve vii(½) halst(er) rogs d(er) maten voirscr(even) also datter den voirs(creven) henricke noch sijne(n)/ goeden ghenen cost oft commer af come(n) en sal It(em) sal de voirs(creven) jan de velpe ruyme(n)/ en(de) houde(n) op sijne(n) cost also verre henricke mynnemoen dat sculd(ich) soude sijn [te] doen/ It(em) sal de voirs(creven) jan so wanner de voirs(creven) henrick aen de vors(creven) molen metst/ tymmert dect oft plect alle tghene des de voirs(creven) henri(c) dair toe cope(n) sal het/ sij steen hout oft and(er)s des men aen de vors(creven) molen behoeve(n) sal op sijnen/ cost leve(re)n en(de) alsmen aen de voirs(creven) molen werct dan sal henri(c) minnemoen/ den werclieden de dachue(re)n betalen en(de) de vors(creven) jan sal den werclieden den/ montcost gheven Behoudelic dien dat hem de vors(creven) henri(c) d(aer) toe te hulpen/ elcx sdaighs voe(r) elken wercman ene(n) boddrage(re) alsulx ghelts als nu gemeyns/ in borsen gheet gheven en(de) betalen zal It(em) so wes de vors(creven) henri(c) totte(n) wercke/ d(er) vors(creven) molen cope(n) sal dat sal de voirs(creven) jan voe(r) uut leggen en(de) de vors(creven) henri(c)/ sal hem dat afslaen aen den voirs(creven) pacht ten naeste(n) t(er)mine It(em) st de voirs(creven) jan/ sal de vors(creven) molen den vors(creven) t(er)mijn due(re)nde wel en(de) loflijc houde(n) in goeden/ state van camme(n) en(de) van spillen en(de) alle dese vorw(er)d(en) etc(etera) H(ier) af sijn borghe(n)/ aelbrecht vande(n) zaffle van buetsele en(de) gheert straesborchs van kersbeke/ Et p(ri)m(us) abs(oloens) keye(noe)[g(e)] oct(obris) quarta/