Item yde dochter gielijs wilen van tolmaer es comen met/ hue(re) moed(er) weduwe des voirs(creven) wilen gielijs in sente g(er)trude(n)/ kercke te loven voe(r) scepen(en) van loven h(ier) ond(er) genoemt/ En(de) heeft in p(rese)ncien der selv(er) scepen(en) geseeght dat sij / gegaen es met reyne(re)n den pape natuerlic soen henrix
//
wilen sapen huers eygens dancks en(de) goets moets willen sond(er)/ bij ieman(ne) daer toe ghedwonghen oft gheinformeert te sijn/ En(de) so wes handelinghen oft hanteeringen de selve reyne(re)/ met hae(r) gehadt heeft hae(r) dat wael te wille es en(de) bij/ hue(re)n dancke gesciet Seggen(de) voert oft sijs des niet gedaen/ en hadde dat sijt noch lieflic en(de) gheerne doen soude/ Bidden(de) den selven scepen(en) van loven dat sij dit op hae(re)/ tuyghen en(de) segelen woude cor(am) abs(oloens) vynckenbosch julii/ xviii/