Item jan crassart van meldert soen jans wilen crassart es/ comen in jeg(enwoirdicheit) d(er) scepen(en) van loven en(de) heeft genomen en(de) bekynt/ dat hij genomen heeft van woute(re)n van aelst van meldert/ thof des selfs wouters gelegen tot overhem inde p(ro)chie/ van meldert met huysen hoven wynnenden landen beemden/ eeusselen en(de) allen hue(re)n toebehoirten Te houden te hebben en(de)/ te wynnen van sent jansmisse bap(tis)[ten] neest leden eenen t(er)mij(n)/ van drien jae(re)n langc deen na dand(er) staphans sond(er) middel/ / volgen(de) elcs jairs hie(re)n bynnen te weten thof metten huysinghen bog(ar)den/ o(m)me en(de) voe(r) v sacke corens melderts pachts en(de) drie sacke t(ar)we(n)/ elx goet en(de) payabel der maten van thienen de voirs(creven) wynnen(de)/ lande elc boender d(aer) af also verre als de mate gedragen sal/ o(m)me en(de) voe(r) twee sacke corens melderts pachts en(de) maten/ van thienen en(de) de voirs(creven) beemde o(m)me en(de) voe(r) twelf/ g(ri)pen te weten xl pl(a)c(ken) alsulcs gelts als nu gemeynlic in/ borsen gaet voer elken g(ri)pe gereeckent te weten den voirs(creven)/ pacht tsente andries misse appostels en(de) de twelf gulde(n)/ tsente mertens misse inden wynter te betalen alle jae(re) den/ voirs(creven) t(er)mijn due(re)nde en(de) telken t(er)mijne als v(er)volghde schout/ Item sall de voirs(creven) wynne de voirs(creven) goede wael en(de) loflic/ wynnen en(de) werven gelijc sinen reengenoete(n) boven en(de)/ beneden en(de) die tot sinen afsceiden gewon(n)nen laten also hij die/ die vant tsinen aencomen En(de) alle dese voirs(creven) vurw(er)den heeft/ geloeft de voirs(creven) jan den voirs(creven) woute(r) wel en(de) volcomelic/ calstr(is) borch(oven) julii xxviii