It(em) ihan lonijs heeft geg(even) en(de) bekynt dat hi gegheve(n) heeft arnde brabants/ wone(n)de te buetsele v dachmael lants ghelegen tot kerckem opt velt/ gheheten meysnacker in twe stucken d(aer)af dat een ghelegh(en) es tusschen/ de goede des voirs(creven) arnts en(de) de goede sgodshuys van gempe en(de) dand(er)/ stucke es geleg(en) s tusschen die goede sgodshuys vand(er) hameyen over/ beide szijden comen(de) metten eynde aent voirs(creven) stucke Te houden/ te hebben en(de) te wy(n)nen van halfm(er)te lestleden eene(n) t(er)mijn van xii/ jaren langc deen na dander sonder myddel volgen(de) elx jaers hie(re)n/ bynne(n) o(m)me en(de) voe(r) twintich halster rox goet en(de) payabel pacht van/ kerckem en(de) d(er) maten van thiene(n) tsente andries misse apostels/ te betalen en(de) te loven te leve(re)n alle jae(re) den voirs(creven) t(er)mijn due(re)nde en(de)/ telken t(er)mijn als v(er)volghde schout It(em) sal de voirs(creven) wy(n)ne de voirs(creven)/ lande wael en(de) loflic wynnen en(de) werve(n) It(em) sal die selve wy(n)ne/ bynnen den voirs(creven) t(er)mine de voirs(creven) lande drie werf ov(er)mesten/ wael ende loflic te weten den yersten terden jae(r) eens en(de) ten/ sesten jae(r) o oec eens en(de) te ixsten jae(r) lestwerf It(em) sal de voirs(creven)/ wy(n)ne ten lesten jae(r) vand(en) voirs(creven) t(er)mijne de voirs(creven) lande wael en(de)/ loflijc wy(n)nen en(de) werve(n) op iiii getidege voren en(de) die besayen/ ende des sal hem de voirs(creven) jan de sate leve(re)n Ende alle dese/ vorwerden keyenooge hug(ar)d(en) junii xv