Cont sij allen luden dat rix van mechlen van kerckem es come(n)/ in jeg(enwordicheit) d(er) scepen(en) van loven gestaen [en(de)] heeft genome(n) en(de) bekynt dat hij/ genome(n) heeft van henricke mynnemoen de molen des selfs henricx/ met sijne(n) toebeh(oerten) te byvoerde geleg(en) Te houden en(de) te hebben van/ k(er)smesse neestcomen(de) eene(n) t(er)mijn van sess jae(re)n langc deen na dander/ sond(er) myddel volgen(de) Alle maenden hie(re)n bynne(n) o(m)me en(de) voe(r) ii sacke/ corens goet en(de) payabel der maten van thiene(n) Te weten vi halst(er)/ d(er) selv(er) maten voe(r) elcken sacke gereke(n)t te betalen en(de) te love(n) te levere(n)/ den voirs(creven) t(er)mijn due(re)nde en(de) telken t(er)mijne als v(er)vvolghde schout/ It(em) es vurwerde dat de voirs(creven) rix bove(n) de voirs(creven) pacht alle jae(re)/ uut d(er) voirs(creven) molen gelden en(de) betalen sall tgheen dat h(ier)na volght/ Yerst mijne(n) gened(ichen) he(re) x halst(er) rox x halst(er) gersten xx halst(er) evene(n)/ d(er) maten van thiene(n) Item den jonch(e)r van bout(er)shem v halst(er) rox/ v halst(er) gersten xvi halst(er) evene(n) d(er) selv(er) maten Item den co(m)mandoer/ van binckem ii mudde rox alzulker maten als bove(n) Item willem(me)/ van kersbeke en(de) janne vanden schelve vii(½) halst(er) rox d(er) maten voirscr(even)/ Also datt(er) den voirs(creven) henricke noch sijne(n) goeden gheene(n)cost oft co(m)mer/ af come(n) en sall Item sall de voirs(creven) rix de velpe ruyme(n) en(de) houden/ op sijne(n) cost also verre henric my(n)nemoen dat sculdich soude sijn/ te doen It(em) sall de voirs(creven) rix so wa(n)neer de voirs(creven) henric aende voirs(creven)/ molen mest ty(m)mert dect oft plect alle tgheene des de voirs(creven) henr(ic)/ daer toe copen sall het sij steen hout oft and(er)s des men aende voirs(creven)/ molen h behoeve(n) sall op sijne(n) cost leve(re)n en(de) alsmen aen de voirs(creven)/ molen werct dan sal henric my(n)nemoen de dachue(re)n betalen en(de) de/ voirs(creven) rix sal den wercluden den montcost geve(n) Behoudelic dien/ dat hem de voirs(creven) henr(ic) d(aer)toe te hulpen elcx daeghs voe(r) elken/ wercma(n) eene(n) boddrage(re) alsulcx gelts als nu gemeynlic in borsen/ gaet geve(n) en(de) betalen sall Item so wes de voirs(creven) henr(ic) totte(n) wercke/ d(er) voirs(creven) molen copen sal dat sal de voirs(creven) rix voe(r) uut legge(n) en(de) de/ voirs(creven) henr(ic) sal hem dat afslaen aenden voirs(creven) pacht ten naeste(n)/ t(er)mijne Item de voirs(creven) rix sal de molen voirs(creven) den voirs(creven) t(er)mijn/ due(re)nde wel en(de) loflic houden in goeden state van camme en(de) van/ spillen En(de) cruyplant alle dese vurwerde (et)[ce(tera)] H(ier)af sijn borgen/ jan cruyplant en(de) gheert straesborchs Et p(ri)m[(us)] cap(elle)[ma(n)] lynth(ris) dec(embris) t(ertia)
//