Item meest(er) jan ostonis licenciaet in decret(en) renu(n)cie(re)nde der p(ri)vilegie(n) d(er) univ(er)si(teit)/ der studien van loven totten gheene(n) des h(ier)na volght in jeg(enwordicheit) (et)c(etera) heeft/ geg(even) en(de) bekynt dat hij geg(even) heeft willem(me) maes van gheele claesse van/ bakel henricke deens en(de) (christ)iane den grue(n)lender alle de thienden en(de) alle/ tgheen des tot der p(er)soenaetscap van geele behoe(re)nde es hoeme(n) dat/ nueme(n) mach uutgenome(n) de offerande de vlasthiende en(de) drie zille(n)/ lants die willem van duffle heeft Te houden en(de) te hebben vand(en)/ iersten dage van meye lestleden eene(n) t(er)mijn van drie jae(re)n eenp(er)lic/ deen den ande(re)n navolgen(de) Elcx jaers dae(re)n bynne(n) o(m)me en(de) voer vijftich/ gulden clinckarde der mu(n)ten ons gened(ichs) he(re)n tsh(er)togen van bourg(oign)[en] en(de)/ van brab(an)t voe(r) dat(um) des briefs gemu(n)t gemeynlic in borsen gaende/ en(de) hondert en(de) vijf mudde rox goet en(de) payabel d(er) maten van gheele/ te weten xii loepen d(er) selv(er) maten voe(r) elc mudde gerekent Te/ betalen te weten de voirs(creven) so(m)me gelts opten leste(n) dach van junio/ en(de) tvoirs(creven) coren half tsente andriesmisse appostels en(de) half tonser/ lieve(n) vrouwen dage liechtmisse en(de) tvoirs(creven) core(n) te gheele te leve(re)n jairlix/ den voirs(creven) t(er)mijn due(re)nde en(de) telke(n) t(er)mijne als v(er)volghde schout Ende/ oft gebuerde dat de vors(creven) p(er)sonaetscap den vors(creven) meest(er) janne/ afgewo(n)nen worde en(de) hem de p(ro)fijten der selv(er) niet sculdich en/ wae(re)n te volgen So heeft de vors(creven) meest(er) jan den voirs(creven) p(er)sone(n)/ daer inne geloeft te houden also lange als de vruchte(n) mids/ den ghedinge m(ijn) hee(re) van camer(ijc) sculdich zullen sijn te volge(n)/ en(de) niet lang(er) En(de) voert den voirs(creven) p(er)sone(n) op dat gelijc vors(creven) es/ meest(er) janne tvors(creven) gelt en(de) coren niet sculdich en wae(re) te volge(n)/ tselve gelt en(de) coren wed(er) te ke(re)n en(de) op te legge(n) dat sij daer aff/ gegeve(n) sullen hebben o(m)me dat te beke(re)n d(aer) dat behoe(re)n sall en(de) oec/ de selve tontheffen van alle(n) costen die sij mids d(er) voirs(creven) betalinge(n)/ t(er) wettig(er) waerh(eit) geleden sulle(n) hebben sond(er) fraude en(de) argelist/ En(de) alle dese voirs(creven) vurw(er)den (et)c(etera) Item sijn borgen des voirs(creven)/ meest(er) jans steven smacht en(de) jan van udekem meye(r) tot/ bierbeke die de voirs(creven) meest(er) jan van des voirs(creven) es geloeft/ heeft scadeloes tontheffen cor(am) lye(min)[gen] cap(elle)[ma(n)] sept(embris) p(ri)ma/