It(em) want gielijs van muysen(en) gielise boem en(de) joffr(ouw) beat(ri)cen van caelmont/ sine(n) wive vand(er) so(m)men van ii[c] l pet(er)s die hij hen voe(r) hae(re) aengedeelte/ sculdich es vand(er) thiende(n) van zaventhen die hij jeg(en) de gezuste(re)n van/ caelmont gecreg(en) heeft geleent heeft omtrint lxxxix peters daer/ voe(r) hij hen afslaen wilt alt(oes) voe(r) eene(n) pe(n)ninc twee dat e(m)mer van/ gods noch rechts wege(n) also en behoert So eest dat de voirs(creven) giel(ijs)/ boem en(de) beatrijs sijn wijf t(er) eenre zijde(n) en(de) jan van boechout t(er)/ ande(re) zijde(n) van dien zame(n)tlic ov(er)come(n) sijn tsgheens des h(ier)na volght/ Te weten dat de selve jan uut machte van beleide d(aer)mede hij t(er) vors(creven)/ gehuysche(n) goede geleit es oft and(er)s so hem dat nutste sal duncke(n)/ den voirs(creven) gielise van muysen(en) vand(er) vors(creven) so(m)me(n) gelts int recht porren/ sall en(de) so wes de voirs(creven) jan den voirg(enoemde) gielise van muysene met/ rechte afgewy(n)nen kan vanden gheene(n) des hij meer wilt hebbe(n)/ oft afslae(n) dan hij in getelde(n) pe(n)ni(n)gen geleent heeft D(aer)af sal de/ voirs(creven) jan deen helcht voe(r) sine(n) coste moeyte en(de) arbeit hebbe(n) en(de)/ de voirs(creven) gehuysche(n) dand(er) helcht Behoudelic dat hij alle costen die/ hij mids dien v(er)volghde doen sal het sij aen voerspreke(re) boden/ brieve(n) oft and(er)s op sijn helcht alleen drage(n) sall sond(er) den/ vors(creven) gehuysche(n) yet [d(aer)af] te moge(n) eysche(n) Geloven(de) malcande(re)n tgheen/ des vors(creven) es wael en(de) volcomelic te houde(n) en(de) voldoe(n) abs(oloens) roel(ans)/ sept(embris) s(ecund)[a]
//