Achtervolgende den (com)p(ro)misse ende verbonde tusschen willeme van/ baussele in deen zijde ende janne vand(er) valpoerten als momboir lijsbetten/ sijns wijfs suster des voirs(creven) willems sijne(n) swager in dande(r) soe hebben/ de selve vier segge(re)n metten ov(er)man huer uutsprake gedaen en(de) gep(ro)nu(n)cieert/ ind(er) manie(re)n h(ier)nae volgen(de) inden iersten dat de voirs(creven) willem den voirs(creven) jannes/ janne bewisen sal op seke(re) ond(er)pande [ende van desen leene op dat hem gelieft] goet genoech sijnde ten payse van/ goeden mannen vijf mudde rox der maten van thienen erfspachts/ vi halster loevenscher maten voe(r) elck mudde gerekent sente andries/ misse apostels te betalen en(de) te oplynthe(r) te betalen(e) leve(re)n ende dierste/ betalinge vanden erfpachte inne te gane van sente andriesmisse naestcomen(de)/ over een jair ende niet eer ende h(ier) af sal de voirs(creven) willem den voirs(creven)/ janne behoirlike vasticheit doen en(de) al sonder sinen cost en(de) desgelijcx/ sal de selve willem vanden voirs(creven) janne sijne(n) swager vestich(eit) nemen/ ende sijn behoefte op cost des selfs willems behoudelijc dat de selve/ willem de selve vijf mudde corens den selven janne elder sal moegen/ coepen en(de) bewisen bynne(n) den milen omgaens den dorp van oplynthe(r)/ op seke(re) ond(er)pande die ten prijse van vynd(er)s vande(n) hove d(aer) voe(r) goet/ genoech sijn sullen ende soe wanneert den voirs(vreven) willem also elder/ gelieve(n) sal te bewisen dat de voirs(creven) wille(m) de coste(re) d(aer) af dragen sall/ en(de) met des voirs(creven) es sulle(n) de selve p(ar)tijen deen vande(n) ande(re)n geworpen/ ende verscheide(n) sijn van alle(n) aenspraken en(de) van allen ande(re)n haefliken/ stucken die de voirs(creven) jan als momboer sijns wijfs den voirs(creven) willeme/ eysschen(de) mach sijn en(de) oec van alle(n) ae(n)sprake(n) die de voirs(creven) wille(m) der/ werdynne(n) jans vand(er) valpoerte(n) voirs(creven) sijnd(er) sust(er) eysschen(de) mach sijn/ uut ocsuyn van e(n)nige(n) scepen(en) brieve(n) van loeven van pechtinge(n) en(de) alsoe/ vande(n) beleytbrieve op de voirs(creven) leene d(aer) de discentie af uutgestaen/ heeft slaende es dutsprake dat den selve(n) beleytbrief den voirs(creven) willeme/ volgen sal behoudelijc den voirs(creven) g segge(re)n en(de) ov(er)man altijt in deser/ uutspraken huer vercleren oft dair donckerheyt oft scout inne/ geviele cor(am) rike abs(oloens) no(vem)b(ris) xxiiii
//