Cond sij allen lieden dat want henric wile(n) van/ delbroeke ende jouffr(ouwe) johanne van hoelaer sine/ medegesellinne jairlix te behoerlike(n) tijde(n) geldende waren/ arnde van overberch en(de) lijsbette(n) wile(n) van delbroec sine(n)/ wive twee mudden rox der maten van loeven erfs/ pachts welke(n) erfpacht den voirs(creven) arnde met lijsbetten/ sine(n) wive in huwelike vurwerden [toe]geseght en(de)/ geloeft waren bij henricke(n) wilen van delbroecke/ oem des voirs(creven) wilen henrix te vergelden ende/ / betalen so eest dat de voirs(creven) arnt willem henrick/ sine soene te weten den voirs(creven) henricke uut sine(n) brode/ gedaen en(de) jan vanden velde zwag(er) der voirs(creven) gebrued(ere)/ in jeg(enwoirdicheit) der scepen(en) van loven gestaen hebben oppen/ baerlic gekint en(de) gelijt dat sij vander voirs(creven) jouffr(ouwe)/ joha(n)nen wille(m)me joese philipse jacoppe(n) barba(r)en/ m(ar)griete(n) katlijne(n) en(de) joha(n)ne(n) kynde(re)n des voirs(creven) wilen/ henrix en(de) jouffr(ouwe) johanne(n) gebuert en(de) ontfange(n) hebben/ de so(m)me van vijftich gulden rinsch goede en(de) geve alse/ voe(r) dafquiti(n)ge(n) vande(n) voirs(creven) tween mudde(n) rox der/ maten voirs(creven) erfpacht Mids den welke(n) de voirs(creven)/ arnt willem en(de) henrick en(de) jan [hebben] den voirs(creven) p(er)sonen/ en(de) hue(re)n naecoemelinge(n) hen en(de) hue(re)n goeden vanden/ voirs(creven) so(m)men gelts en(de) oec vande(n) tween mudden rox/ erfpachts volcomelic quijt schelden [quijtgeschouden] gelovende de/ selve aert en(de) sine voirs(creven) soene en(de) jan den voirs(creven)/ p(er)sone(n) en(de) hue(re)n erfgename(n) van des voirs(creven) es nu(m)m(er)meer/ aen te spreken te moyen oft te vexe(re)n in gheene(n) rechte/ gheestelic noch werelic bij hen selve(n) noch bij yema(n)de/ anders in gheenre manie(re)n gelovende voerts de selve/ gebrued(ere) mychiele van ov(er)berch hue(re)n brued(er) buyte(n) lants/ wesende in dien te hebben en(de) also te vervane so schiere/ dat hij bynne(n) lants come(n) sal sijn dat hij t(er) meynissen/ der voirs(creven) p(er)sone(n) oft des eens van hen de voirs(creven) quita(n)cie/ voer scepen(en) van loeven doen sal en(de) desgelijx hebben/ de selve gebrued(ere) en(de) jan vande(n) velde hue(re) zwag(er) geloeft/ te vervane katlijne(n) en(de) joha(n)ne(n) en(de) lijsbette(n) lijske(n) kynde(re)/ des selfs jans ond(er) hue(re) dage wesende dat sij t(er) manisse(n)/ d(er) voirs(creven) p(er)sone(n) de voirs(creven) quita(n)cie doen selle(n) so wa(n)neer sij/ tot hue(re)n mondigen dagen sijn sulle(n) sonder argelist/ cor(am) rike vynck(enbosch) no(vembris) septi(m)a