Het sijn come(n) in rechte voer meye(r) en(de) scepen(en) van loven inde/ banck aldaer jan sehal die nae den rechte der stad van loven/ come(n) en(de) geleit es totte(n) haeflike(n) goede(n) jouffr(ouwen) m(ar)grieten/ weduwe jans wilen vander fonteine(n) de jonge in deen/ zijde janne de jonckoit et janne morial die geleit sijn/ nae den rechte der selver stad totte(n) haeflike(n) goede(n) jouffr(ouwen)/ odilien weduwe jans wilen vander fonteyne(n) vader des/ voirs(creven) jans in dande(re) ald(aer) de voirs(creven) jehan de sehal een aen/ sprake dede ten voirs(creven) twee p(er)sone(n) wert want sijn beleit/ jonger van daten was dan tbeleit des voirs(creven) jans ende/ jans seggende dat waer ware dat de voirs(creven) jan vand(er)/ fonteyne(n) de jonge voer tiden genome(n) hadde jegen alre/ hande p(er)sone(n) te weten jegen den rentm(eeste)r m(ijns) gened(ichs) he(re)n/ te geldenake jegen mine(n) hee(re) den abt van heileshem/ jegen de momboers t(er) tafelen van thiene(n) jegen andriese/ godfroit jegen h(er) woute(re)n huwelet priester ende oic/ jegen de ingesetene des dorps van maresch alrehande/ lande te houden(e) in hueringen op zeke(re) pachten daer/ af jairlix den voirs(creven) p(er)sone(n) toebehorende seggen(de)/ ende meynende dat hem en(de) sine(n) beleide de selve/ jaer scha(r)en volgen souden ende sculdich waren te volge(n)/ want de selve jan vand(er) fonteynen die genomen hadde/ gelijc de selve jan de sehal dat inden rechte voer te/ thoene(n) oec voer de selve jan de sehal tethoene(n) dat/ jan vand(er) fonteyne(n) alrehande have bynne(n) sijnd(er) moed(er)/ huys hadde daer op de voirs(creven) jan en(de) jan dede seggen/ met hue(re)n geleverde(n) voirsprake h(ier) opende dat hen/ noch hue(re)n beleide die aensrake egeen ontstade/ doen en soude mids dier reden(en) want odilie(n)/ weduwe jans vander fonteynen svaders en(de) moeders/ des voirs(creven) jans sjongen de selve pechtinge genome(n)/ hadde en(de) dat alle gheene des de voirs(creven) jan de/ jonge gedaen hadde dat [dat] was inde(n) name odilien
//
sijnd(er) moeder voirs(creven) dwelc si boden te thoene(n) daer op de/ scepen(en) gemaent vanden meye(r) wijsden voer een vo(n)nisse wa(n)t/ sij verstonden dat hen beide p(ar)tijen tho(n)nesse vermeten hadden/ dat dat sij bege(re)nden aen te horen dae(re)n teynden rechte Ten dage van thoene(n) thoende de voirs(creven) jan sehan dat jan vander/ fonteynen de jonge hadde de voirs(creven) pechtinge alle behalve(n)/ ene(n) bogart gelegen te maresch den gemeynen lieden van/ maresch toeho(r)ende den welken de voirs(creven) jan vand(er) fonteyne(n)/ de jonge tot behoef van hem selven ende sijnd(er) moed(er)/ ende suster genomen hadde oec thoende hij dat hij te/ dijer tijt gehudt en(de) uut sijnd(er) moeder broede was/ ende de voirs(creven) jan ende jan en thoenen niet tgeen des sij/ hen vermete(n) hadde(n) also dat de he(re)n scepen(en) van loven/ alsdoen gemaent vanden meye(r) wijsden voer een vo(n)/ nisse dat den voirs(creven) jan sehal en(de) sine(n) beleide de voirs(creven)/ pechtingen ende terdel vanden bogarde te maresch volge(n)/ sal nae dat de waerh(eit) gedrage(n) hadde p(rese)nt(ibus) scabi(ni)s existen(tibus)/ in pleno scampno julii xxviii