Monast(erium) de corte(n)berge et/ fideiuss(ores) joh(annis) lambrechts/ Het sijn come(n) in rechte voe(r) meye(re) en(de) scepen(en) van loeven inde banck ald(air)/ jannes van meerbeke proofst des godshuys van cortenberge die als/ gemechticht met p(ro)curacie(n) van des selfs godshuys wege(n) gevo(n)nist? heeft/ voer meye(re) ende scepen(en) van loeven zeke(re) scepen(en) brieve(n) van loeven/ sprekende vanden hove van lyndergem dwelc jan lambrechts jegen/ tvoirs(creven) godshuys te pachte genome(n) hadde in deen z ene(n) t(er)mijn van/ xii jaren langc beginne(n)de? te half meye int jair van xxxviii/ in deen zijde lambrecht lambrechts die de brued(er) es des vors(creven) jans/ machiel rutgeerts en(de) jan rutgeerts sijn sone die borge(n) waren/ bleven voer tvoirs(creven) hof in dande(re) daer de vors(creven) proost int recht/ dede lesen der scepen(en) brieve(n) voirg(eruert) begerende ende versueke(n)de/ dat sij hem voldaden de twee leste jaren vand(er) voirg(eruerde) pachtingen/nu voerleden te weten elx jaers ond(er) half hondert mudde(n) rog/ en(de) tseve(n)tich mudden terwen sesse mudde gersten ende xii/ oude scilde van weidehue(re)n op dwelc de voirs(creven) drie borgen/ hen verantwerden(de) deden seggen dat waer ware dat sij inden selve(n)/ scepen(en) brief voer den voirs(creven) janne lambrechts borge bleve(n) waren/ mer hen verwonderde zee(re) vanden groten eissche die de voirg(enoemde)/ proofst te henwert dede aengesien tgeen des daer toe geschiet?/ was want al haddet inhoudt vanden selve(n) brieve de vors(creven) so(m)me/ begrepen so hadde m(ijn) [wer waer dat m(ijn)] vrouwe en(de) tconvent des selfs godshuys doen/ jan lambrechts vanden selve(n) hove schiet ende de vors(creven) borge(n)/ de goede besaeyt en(de) aenvert hadden en(de) gewonne(n) tot half meye/so worden [dat sij doen van mijn vrouwe(n)] sij uut den vors(creven) goeden [geworpen] met foertsen geworpen en(de) mochte(n)/ niet langer behouden mids dien dat sij tselve goet niet verborge(n)?/ en consten alsdoen ...? de selve borge(n) bij ..? vrouwen en(de) conve(n)te/ ...?
//
die sij deen in dander staken gedroech lxxxiii mudde(n) rox lvi/ mudden terwen xii oude scilde welc gebreck van coerne/ geslagen wert te gelde te wete(n) elc mudde rox voe(r) ii gripe(n)/ xl pl(a)c(ken) voer de grijpe en(de) elc mudde vand(en) vors(creven) terwen voer/ l boddregers ende dat hen van dien gelde en(de) vanden gelde/ vander scettinge(n) die de voirg(enoemde) jan lambrechts tsine(n) afsceiden/ sculdich was te laten drie dage gegeve(n) worde te weten/ dat sij betalen souden deen helicht daer af te sente jansmisse/ baptiste(n) lestleden ende vander ander helicht soude betaelt/ werden te weten deen helicht van dier helicht te kersmisse/ lestleden ende dander helicht daer af tsente jansmisse/ bap(tis)[te(n)] naestcomende ende daer op so worden daer gescat/ zeke(re) haeflike goede die hen daeraf corte(n) souden gelijc de/ cedulen h(ier) nae bescr(even) die sij int recht deden lesen begrijpt/ ende de tenure van dier cedulen volght h(ier) nae van worde/ te worde Item inden iersten ii wagene gestoffeert met vii/ p(er)den en(de) ande(r) ploech gescat sijnde tott(er) so(m)me(n) van c gul(den)/ holl(ans) den gul(den) te iiii s(cellingen) gr(oten) gerekent It(em) xxxi verkene/ ond(er) clein en(de) groet gerekent op xxxv gul(den) holl(ansch) ten p(ri)se als voe(r)/ It(em) xxi hore(n) beesten ond(er) clein en(de) groet gescat op lxx gul(den) ten p(ri)se/ als voe(r) It(em) and(er) haeflike goede van bedden en(de) and(er)s dat d(er) came(n)ier?/ behoert gescat sijnde op xxvi gul(den) holl(ans) ten p(ri)se als voe(r) It(em)/ and(er) huysgereck bynne(n) d(er) cokene(n) en(de) dat daer aen cleeft gescat/ op xiiii gul(den) holl(ans) Ite(m) ene(n) tas hoys gescat op xxiiii gul(den)/ holl(ans) It(em) ene(n) tas veetsen gescat op vi gulden holl(ans)/ It(em) vi mudde een halst(er) gersten elc mudde gescat voe(r)/ ii blau cronen ende thalster binnen gerekent/ It(em) xii mudden iii molevate evenen gescat tsame(n)/ op xvii cronen elc crone te xl pl(a)c(ken) It(em) xl ganse/ ond(er) jonc ende out tstuck over? hoet gescat enen/ stuyver It(em) xxv hynnen met eenen hane tstuck voer
//
eenen stuye(r) maken tsamen de ganse ende hoende(re) iiii/ gulden hollans ende enen stuyver It(em) den borgen te/ goede gedaen v gulden riders tstucke te xxv stuv(er)s/ It(em) lxxxii roeve wollen elken roef te xvi pl(a)c(ken)/ maken tsamen xxxii cronen ende xxxii pl(a)c(ken)/ elcke crone te viertich pl(a)c(ken) gerekent/ deden noch voert seggen dat daer noch buyte(n) scattinge(n) bleven/ alrehande haeflike goede die tvoirs(creven) cloester aenvert hadde/ ende hen te staden comen souden welcke ongescatte have sij oec/ overgaven in gescriften daer af tenure h(ier) nae volght Item/ inden iersten lxx scapen albloet tstucke om xl pl(a)c(ken) maken lxx gripen acht/ en(de) een halve roeve wollen tstuck te xvi pl(a)c(ken) maken iii gripe(n) xvi/ pl(a)c(ken) een half mudde raepsaets gescat op ii gripen van bote(re)n ii/ riders maken iii gripen xxx pl(a)c(ken) vi mudde rox It(em) noch doen/ wij rekende de vi mudde rox en(de) iiii la(m)mere(n) doen rekende(n) wij af/ v riders dat tcoste tbeleit te doene tot onsen goeden so dat/ ons doen quamen te heffen vi gripen ende xxv pl(a)c(ken) It(em)/ ond(er)half mudde rox van bornoys lant tsjaers ende dat van/ ii jaren verlopen maken iii mudde rox gescat op vi g(ri)pen/ ii eemers die int hof te lynd(er)gem opten putte hangen/ metten zeele gescat op ii gripen Item alle de/ scape die bynnen den stal stonnen gescat sijnde/ op iiii gripen/ Ende dat alle dese pointen vors(creven) waer sijn dat boden de voirs(creven)/ borgen te thoene(n) en(de) metten mynste(n) inden rechte met te liden/ hoepten ende seiden so waer sij dese poente(n) gethone(n) consten/ dat sij der aenspraken ongehouden sijn souden en(de) dat de proost/ te vroech op ware daer op de voirs(creven) proefst ...?
//
dat hij hoepte dat de voirs(creven) borge(n) niet thone(n) en souden des/ sij hen vermete(n) hadden gem want de voirs(creven) jan lambrechts/ in gebreke was vanden derden jare van dat hij tvoirs(creven)/ hof gehouden hadde vanden welken tvoirs(creven) godshuys in/ grote(n) co(m)m(er) steke [alse] van xx riders lijfpensien ter quiti(n)gen die/ tselve godshuys daer o(m)me vercocht hadde van des meyne(n)de/ al waert also dat daer e(n)nige rekeni(n)ge gesciet wa(r)e oft/ scattinge dat de borgen niet thonen en souden dat hen dat/ afslach doen soude opde twee leste jare gemerct dat nyema(n)t/ gherne dacht(er)stel borgen soude en(de) neme(n) betalinge op/ dnouwe oec so en hadde m(ijn) vrouwe huer bueke hij haer/ niet ten tijden als de rekeni(n)ge geschiet sijn soude ende also/ en conste m(ijn) vrouwe niet geweten was de vors(creven) jan sculdich/ sij rekenen soude en(de) also en was de rekeni(n)ge niet gesloten/ mer wes daer geschiede geschiede ter goeder meini(n)gen ende/ ter goeder rekeni(n)gen en(de) oft men bevonde dat daer iet inne/ mesrekent ware dat soude ter goeder rekeni(n)gen comen/ Met alrehanden worden en(de) wederworden die in beiden sijden/ geschieden weynich int recht dienende vanden welken de/ p(ar)tijen gewijst worden tot hue(re)n thonesse Ten dage van thonesse/ thoenden de vors(creven) borgen tgeene des sij hen in hue(re)r aenspraken/ hadden vermeten uutgenomen dat de getuyge(n) droege(n) van dat/ de borgen met foertsen uut den vors(creven) goeden geworpen souden/ sijn dat m(ijn) vrouwe begeerde aenden meye(re) van campe(n)hout/ datmen huer in hue(r) goede setten woude gemerct dat sij die/ naeste begeerde te wesen oft datmen huer goede borgen/ setten soude waert sijt thuer aenreiken soude welcke borch/ tochten de vorg(eruerde) borchtochte(n) niet gesetten en conste en(de) also sciede(n)/ sij vanden goeden met composicien aengesien dat m(ijn) vrouwen/ aen borgen te goede dede v riders [thoenden noch de selve borge(n) dat inde rekeni(n)ge geseeght was dat tgeen des vors(creven)/ steet hen afslach doen soude mer si en hoerde(n) noyt vermane(n) vanden derden jare] Ende de vors(creven) proofst thoende
//
so(m)mige poenten als vanden gebreke van janne lambrechts en(de)/ vanden coerne te gelde te slane gelijc de vors(creven) borgen eens/ deels gedaen hebben Noch thoende hij dat tgodshuys voirs(creven)/ ov(er)mids den acht(er)stelle des vors(creven) jans hadde moeten vercopen xx/ riders lijfpensien ter quiti(n)gen elken pe(n)ni(n)c d(air)af met xx/ thienen It(em) thoende voerts de manie(r) hoe de borgen uut den vors(creven)/ goeden scieden gelijc vors(creven) steet Noch thoende hij [dat m(ijn) vrouwe huer bueke bij heur niet en hadde en(de)] dat de rekeni(n)ge/ gedaen was ter goeder meyni(n)gen en(de) t(er) goeder rekeni(n)gen en(de) oft/ d(air) iet inne mesreke(n)t wa(r)e datme(n)t bringen soude ter goed(er) rekeni(n)ge(n)/noch thoende hij dat m(ijn) vrouwe huer bueke bij huer niet en/

hadde ende It(em) noch also dat ten uut(er)sten de scepen(en) van loeven/ gemaent vanden meye(re) gewijst hebben voe(r) een vo(n)nisse dat ten/ de bewisenisse die de vors(creven) borgen gedaen hebben hen aen de/ twee leste jaren afslach doen sal gelijc dat de waerh(eit) gedrage(n)/ heeft p(rese)nt(ibus) o(mn)ib[(us)] scabinis dempto pynnock m(ar)cii t(ercia)