Het es geschiet een deilinge tussche(n) pauwelse en(de) woute(re)n helscheviers/ gebruede(re) kinde(re) henrix helschevier van schoe(re) [vide(licet) paulo p(ri)[(us)] ema(n)cip(ato)] henricke cobbelgier/ geheete(n) putteman hue(re)n zwager met consente en(de) wille m(ar)griete(n)/ helscheviers sijns wijfs zust(er) der voirs(creven) gebruede(re)n en(de) tusschen/ lodewijke helschevier brued(er) d(er) voirs(creven) gebruede(re)n en(de) zust(er) onder/ sijne dage wesende op de [en(de) vande(n)] goeden die den voirs(creven) kynde(re)n/ bleve(n) en(de) verstorve(n) sijn nae en(de) vand(er) doet katline(n) wile(n) van/ land(ene)n moed(er) der voirs(creven) kynde(re)n en(de) blive(n) en(de) versterve(n) sulle(n) nae/ doet des selfs henrix huers vaders met consente en(de) wille/ des selfs henrix des vaders te deilene/ qui(n)tin[(us)] helschevier h(abetur) de/(con)s(ens)u d(i)c(t)i pauli/ het es gevallen den voirs(creven) pauwelse in sijn deilinghe/ eghedeelte mett [vanden] woeni(n)gen mette(n) dufhuyse stalle en(de) eene(n) dach(mael)/ wynnens lants en(de) een half dach(mael) hoefs luttel meer oft min daer/ toe behoe(re)nde geleg(en) te schoe(re) tusschen dand(er) gedeelte dat den voirs(creven)/ woute(re)n bleve(n) es in sijn deilinge en(de) den goeden andries van voshem/ gelikerwijs de selve goede aldaer beteekent en(de) gescheiden sijn It(em)/ een vierdeel wijngarts geleg(en) aen kesselberch tusschen de goeden/ jans roenbox in deen zijde en(de) gheerts van kessele en(de) jans van/ eerbeghem op dander zijde opt recht en(de) co(m)mer daer voe(r)/ uutgaende te gewoe(n)like(n) tijde te betalen en(de) voirt ane op een mudde/ rox goet en(de) paiabel met wanne en(de) vede(re)n wel bereit der maten/ van loeve(n) alle ja(r)e s(in)[te] andries misse apostels te betalen en(de) te loven/ te leve(re)n den voirs(creven) henricke helschevier vader des voirs(creven) pauwels/ alsoe lange als hij leven sal/ It(em) es gevalle(n) ov(er) bleve(n) den voirs(creven) wout(ere)n in sijn deilinge dand(er) gedeelte/ vande(n) voirg(eruerde) erve(n) Te weten(e) de schue(r) mette(n) spindeken stallagien/ eene(n) halve(n) dach(mael) hoefs dair toe behoe(re)nde geleg(en) desgelijx te schoere tussche(n)/ tvoirs(creven) gedeelte des voirs(creven) pauwels in deen zijde en(de) tstretken aldair/ in dand(er) zijde gelijkerwijs dat claerliker aldair bepaelt en(de) geteekent/ es It(em) noch een vierdeel wijngarts geleg(en) aen kesselberch tussche(n) de/ goede arnts boens en(de) henrix boens It(em) noch drie vierdeel ond(er) lant/ en(de) wijngart geleg(en) op schoerberch tussche(n) de goede (...)/ en(de) jans busscops opt recht en(de) co(m)mer dair voe(r) (...)/ woenlike(n) tijde te betalen(e) Ende voirt (...)
//
goet en(de) paiabel gelijc voirs(creven) steet jaerlijx pachts alle ja(r)e s(in)[te]/ andriesmisse apostels te betalen en(de) te loeve(n) te leve(re)n henricke/ helschevier vad(er) der voirs(creven) gebruede(re)n alsoe lange als hij leven/ sal ende niet lange(r)/ Item es gevalle(n) den voirs(creven) henricke en(de) magrieten sinen wive in hue(r)/ deilinge een half boender lant op kesselvelt geleg(en) tusschen de/ goede vranx [jans] vand(er) lane(n) en(de) vranx en(de) jans helschevier It(em) noch viii/ gelten wijns aen en(de) op een vierdeel lants wilen wijngaert hubrects/ van miesberge geleg(en) aen de bueke op dinde vande(n) schoerberge tussche(n)/ de goede des cloest(er)s van vliederbeke en(de) hubrects va(n) miesberge voirs(creven) opt/ recht en(de) co(m)mer dair voe(r) uutgae(n)de te gewoe(n)like(n) tijde te betale(n) en(de)/ voirtane op een mudde rox d(er) mate(n) van love(n) alle ja(r)e s(in)[te] andries/ misse apostels te betale(n) en(de) te loeve(n) te leve(re)n henr(icke) helschevier vad(er)/ d(er) voirs(creven) kinde(re)n alsoe lange als hij leven sal en(de) niet lange(r)/ Item es gevalle(n) den voirs(creven) lod(ewijcke) ond(er) sijn dage wesende den welke(n)/ de voirs(creven) wout(er) helschevier sijn brueder hier inne geloeft heeft te/ vervane en(de) alsulc te hebben als hij te sine(n) mundege(n) dage(n) come(n) sal sijn/ dat hij dan dese deilinge vast en(de) omverbrekelic houde(n) sal in sijnd(er) porcie(n)/ en(de) gedeelte een huys en(de) hof met sijnd(er) toebehoirte(n) geleg(en) te schoe(re)/ tussche(n) henricke helschevier op deen zijde en(de) janne van he(re)nt op dand(er)/ It(em) noch een dach(mael) lants geleg(en) op kesselvelt tussche(n) de goede(n) gielijs va(n) kessele/ en(de) jans vand(er) lane(n) op deen zijde en(de) henrix van kessele op dande(re) It(em) een/ vierdeel wijns erfs pachts aen en(de) op een vierdeel wijngarts jacops van/ landen(en) geleg(en) aen de bueke op schoerberch tussche(n) de goede jans busscops/ en(de) henrix vlemync opt recht en(de) co(m)mer d(aer)voe(r) uutgaende te gewoe(n)like(n)/ tijde e(t)c(etera) Behoudelic dien dat dierste betalinge vand(er) voirs(creven) lijfpe(n)sien/ in gaen sal van s(in)[te] andriesmisse naestcome(n)de over een jaer en(de) niet eer/ met sulker vuerwerde(n) dat de voirs(creven) henric helschevier vad(er) d(er) voirs(creven)/ kinde(re)n sijn tocht hebbe(n) sal int gedeelte des voirs(creven) lod(ewijcx) sijn leefdage/ lanc due(re)nde en(de) niet lange(r) welck deilinge de voirs(creven) p(ar)tijen geloeft/ hebbe(n) vast en(de) gestedich te houde(n) en(de) dair af malcande(re)n genoech/ te doene elc vande(n) p(ar)tijen voirs(creven) dair voe(r) sijn gedeelte veroblige(re)nde [met orlove she(re)n vande(n) gronde] cor(am) vynck lynth(e)r(e) iunior oct(obris) ult(ima)