Also als h(er) jan vanden borne prieste(r) t(er) eenre en(de) henr(ic) boelaert die nae d(er) stad recht/ van love(n) geleit es tot allen den goede(n) jans roelants t(er) ande(r) zijde(n) in dissencie(n)/ en(de) stote come(n) sijn voir den rade vand(er) stad alse vand(er) bladinge(n) en(de) zeke(re) vruchte(n) gewasse(n)/ op alrehande erve inde p(ro)chie van muske(m) geleg(en) behoe(re)nde tott(er) capelrie(n) des beghijnhoefs/ van arschot so hebbe(n) de h(ere)n burg(er)meest(ere)n scepen(en) en(de) raid d(er) stad va(n) love(n) nae dien dat/ de p(ar)tije(n) hen vand(en) voirs(creven) stote tot huerd(er) t(er)minacie(n) gekeert hadde(n) nae vele thonesse(n) ende/ bescheit dat beide de p(ar)tije(n) vorsc(reven) elc tot sine(n) behulpe geleit end(e) opgedae(n) hadd(en) get(er)mi/ neert voir reden(en) end(e) recht dat den voirge(noemde) henricke boelaert en(de) ja(n)ne roelans/ volgen sulle(n) terde(n)deel van alle(n) den bladinge(n) en(de) vruchte(n) op derve d(er) voirg(eruerde) capelrie(n)/ toehore(n)de gewassen also v(er)re de selve jan roelants dat gewon(n)e(n) en(de) besayt heeft/ en(de) den vorsc(reven) h(ere)n jan(n)e de tweel deel d(aer) af end(e) wa(n)t also was datme(n) jairlix/ vanden selve(n) lande sculd(ich) was te gevene ii stene bote(re)n ii halst(er) raepsaets en(de)/ xiii kese(n) buyte(n) d(en) helicht wynni(n)ge(n) dat d(aer) af ten leste(n) ja(r)e als nu de/ vorsc(reven) h(er) jan hebbe(n) sal deen derdendeel en(de) jan roelants vors(creven) de twee dele/ en(de) oft de selve jan roelants die te dese(n) male betaelt [hadde] so sal hem de/ vorsc(reven) h(er) jan de twee dele vanden vorsc(reven) voirline? wede(r) beere(n) en(de) terdel/ behouden en(de) alse vande(n) coste(n) die gedaen sijn o(m)me de vorsc(reven) goede/ in seq(ue)stre te leggen(e) d(aer) af sal de vors(creven) jan roel(ants) de ii dele gelden/ end(e) de voirs(creven) h(er) jan terdendeel Ende uut dien dat de notarijs/ die de execucie mette(n) daigbrieve daeghbrieve van deser sake(n)/ gedaen [heeft] in calangien gestelt es d(aer) af sal de voirsc(reven) h(er) jan ongelast/ blive(n) Cor(am) jasp(are) abs(oloens) et francone willemair burg(imagistris) (et) (com)plu(r)ib(us)/ aliis de (con)silio aug(usti) vi[a]