Tvonisse tussche(n) vrancken den houwe(re) die geleit es totte(n) goede(n) lijsbette(n)/ tshouwers weduwe jacops wile(n) robbijns sijnd(er) sust(er) in deen zijde ende/ henricke robbijns brued(er) des voirs(creven) wile(n) jacops in dande(re) alse van/ der tocht die de voirs(creven) henric robbijns meynde dat hij gecocht/ hadde iege(n) der voirs(creven) [vrancken en] lijsbetten shouwers de ghene diese houde(n)de/ was van des voirs(creven) jacops huers mans wege(n) in alle den goeden/ des selfs huers mans en(de) oec van eene(n) halve(n) mudde(n) corens dat/ de voirs(creven) wile(n) jacop voirtijts vercocht hadde op sijne goede va(n)/ sine(n) wege(n) gecome(n) Dat hij geloeft soude hebbe(n) op d(er) voirs(creven)/ lijsbette(n) sijns wijfs goede te besette(n) gelijc de selve henric/ robbijns dat boet te thonen(e) Was gewijst met dese(n) worde(n)/ nae aensprake [en(de)] [verantwerde(n) en(de)] thonisse des voirs(creven) henricx dat alsulke(n) aen/ sprake als sij de voirs(creven) henric robbijns gedae(n) hadde vrancke(n)/ den houwe(re) noch sijne(n) beleide gheen staen doen en soude cor(am)/ o(mn)ib(us) scabinis aug(usti) xvii