Cond zij allen lieden dat gheert drabbe van berthem es comen/ jeg(en) d(er) scepen(en) van loeve(n) en(de) heeft genomen heeft vanden p(ro)viso(r)en/ en(de) meest(er)sen des godshuys vand(er) banck dwinhof des voirs(creven) godshuys/ mette(n) huysen hoven wynne xxxii boend(er) lants totte(n) selven hove/ horende [te berthe(m) gelegen] ende iii boend(er) beempts ald(aer) geleg(en) gelijc de vors(creven) [te ralenbeke en(de) tol]/[mendale] goede geleg(en) sijn te berthem Te houden te hebben en(de) te wynnen/ van half meye lest leden ene(n) t(er)mijn van xii jaren langc/ deen nae dand(er) sond(er) middel volgen(de) elx jairs dae(re)n binnen/ o(m)me en(de) vore xxxiii(½) mudden rox goet en(de) paiabel met/ wa(n)ne en(de) met vede(re)n wel bereit d(er) maten van loeven/ alle jare te s(in)te andriesmisse apostels te betalen en(de) te/ loeven int banchuys? te leve(re)n den vors(creven) t(er)mijn due(re)nde/ q(uo)li(bet) ass(ecutu)[m] It(em) es vurwerde dat de voirscr(even) wyn/ jairlix den vors(creven) t(er)mijn due(re)nde allen den co(m)mer en(de) laste/ uut den voirg(eruerde) goeden gaende sonder last des voirscr(even)/ godshuys betalen sal en(de) de goede voirs(creven) wel en(de) loflic/ sijnen vors(creven) t(er)mijn due(re)nde beheymen en(de) bevreden en(de)/ desgelijx alle de wegen en(de) wat(er)leyen d(er) selv(er) goeden/ aengaende wel en(de) cusbaerlic also v(er)re alst tvoirs(creven)/ godsh(uys) d(aer)inne gehouden es houden en(de) ruymen sall
//
It(em) es vurwerde dat de voirs(creven) wyn de voirg(eruerde) goede sijnen/tijt [t(er)mijn] due(re)nde wel en(de) loflic wynnen en(de) werve(n) sal gelijc/ reengenoeten boven en(de) beneden It(em) es vurwerde dat de voirg(enoemde)/ wynne sijne(n) vors(creven) tijt duerende opde voirs(creven) goede niet/ hoervruchten en mach dan binnen den negen iersten jaren/ een half boend(er) d(aer)af tot sijns selfs slijten en(de) and(er)s niet/ It(em) es vurwerde so wa(n)neer datmen aende vors(creven) goede/ van ouwen wercke dect ty(m)m(er)t oft plecht d(aer)af saelt / tvoirs(creven) godsh(uys) den werckluden betalen en(de) de vors(creven) wynne/ den montcost geven It(em) es vurwerde dat de voirs(creven)/ wynne en(de) m(ijn) vrouwe vande de mombo(r)en en(de) meest(er)sen/ te negen jaren van malcande(re)n sceiden mogen behoudelic/ dien dat sijt malcande(re)n een jair te vo(r)en condigen moete(n)/ It(em) es vurwerde dat de voirs(creven) wynne x boender/ vanden voirg(eruerde) goeden ten afsceiden van sijnen t(er)mijne laten/ sal wel en(de) loflic besayt op iiii getidege voeren/ met rogge en(de) ix dach(mael) d(aer)af sal de voirs(creven) wynne/ oec tot sijnen afsceiden besayt laten met gersten op iii/ getidege voren en(de) tremana(n)t vanden selven airde/ sal de vors(creven) wynne tot sijne(n) afsceiden besayt laten met/ evene(n) op ii getidege voren en(de) tsijne(n) afsceiden van/ sijnen t(er)mijne sal hij vanden selven goeden laten liggen/ xi boend(er) brake op eene voere geerijt En(de) alle/ dese vurwerden (et)c(etera) pynnoc lynt(here) no oct(obris) xvi[a]