Tvo(n)nisse tussche(n) h(er) woute(re)n wairtsman prieste(r) die nae den rechte der stad/ van loven beleit es tot allen den haeflijken goeden magriete(n) weduwe he(n)rix/ wijlen vanden putte van meldert en(de) henrix huers soens te voe(re)n uut/ hue(re)n brode gedaen in deen zijde ende clase de smet geheete(n) vanden/ panhuyse die naeden rechte der selver stad beleit es tot alle(n) den goeden/ have ende erve des selfs henrix vande(n) putte in dande(re) aldair de/ vors(creven) claes nae hem meynde te treckene uut machte van sine(n) voirs(creven)/ beleide alle de voirs(creven) have en(de) erfgoede niet wed(er)staende nochtan/ dat beleyt des voirs(creven) h(ere)n wouters ouder was dan des selfs claes/ beleyt Was gewijst met desen worde(n) dat alsulke(n) aensprake/ als de voirs(creven) claes met sine(n) beleide gedaen hadde op dese goede/ dat die den selve(n) h(er) woute(re)n noch sijnen beleyde aen de have/ gheen onstade doen en soude Ende hadde claes de smet e(n)nich/ gebreck aen derfgoede dat hij dat opdien mochte met rechte/ cor(am) roel(ants) wijtfliet lynth(e)r(e) iunior prijke(re) aug(usti) xix