Cond zij allen lieden dat jan vrederix van buetsele mulde(r) wonen(de) te/ kerckem in p(rese)ncia heeft genome(n) en(de) bekint dat hij genome(n) heeft/ van janne de witte wonen(de) opde biest sijn wat(er)mole(n) gehete(n) dov(er)ste/ mole(n) van bijvoerde(n) mette(n) huysen d(air)toe hore(n)de en(de) met eene(n) beemde/ gehete(n) den guldene(n) nagel houden(de) (½) boend(er) luttel min oft meer/ geleg(en) te bijvoerde(n) inde p(ro)chie van kerckem te houde(n) en(de) te/ hebben van kersmisse lestleden eene(n) t(er)mijn van ix jaren/ langc deen nae dand(er) stappans sond(er) middel volgen(de) Elx jaers/ dae(re)n bynne(n) te wete(n) de vors(creven) molen o(m)me en(de) voe(r) xxxii/ sacken rox goet en(de) paiabel met wa(n)ne(n) en(de) met vede(re)n/ wel bereit d(er) mate(n) van thiene(n) Te wete(n) sesse halster/ d(er) mate(n) van loeve(n) voe(r) elke(n) sack vors(creven) gerekent alle/ jare deen helcht d(air)af s(in)te jansmisse bap(tis)[ten] en(de) dand(er)/ helcht te kersmisse d(air) naest volgen(de) te betale(n) en(de) te/ loeve(n) t(er) woni(n)ge(n) des vors(creven) jans te leve(re)n en(de) den vorg(eruerde)/ beempt o(m)me en(de) voe(r) iiii(½) holl(ansche) guld(en) alle jare s(in)[te]/ m(er)tensmisse inde(n) wynt(er) te betale(n) den vors(creven) ja(n)ne de witte/ jairlix den vors(creven) t(er)mijn due(re)nde en(de) telke(n) t(er)mijne als/ v(er)volghde schout It(em) es vurw(er)de dat de vors(creven) jan vrederix/ de vors(creven) mole(n) sijne(n) t(er)mijn due(re)nde wel en(de) loflic houden/ sall van ca(m)me(n) en(de) van spille(n) op sijne(n) cost en(de) desgelijx/ den beempt beheyme(n) en(de) bevrede(n) gelijc reengenote(n) bove(n)/ en(de) beneden It(em) es noch vurw(er)de dat de vors(creven) jan vrederix do...?/ ...?
//
de huyse den vors(creven) mole(n) toebehoe(re)nde houde(n) sall vand(er) ond(er)ster rikelen/ ned(er)weert op sijne(n) cost It(em) es noch vurw(er)de so wa(n)neer men aen de vors(creven)/ mole(n) iet werct dect oft plect d(air)af sall de vors(creven) ja(n) vrederix den werclude(n)/ den montcost geve(n) en(de) de vors(creven) jan de witte sall de dachue(re)n betalen/ iiii dage tsjaers It(em) es noch vurw(er)de oft gebuerde datme(n) de vors(creven) mole(n)/ rechte oft hout behoefde o(m)me de vors(creven) mole(n) te make(n) dat sall de/ vors(creven) ja(n) de witte bewijse(n) en(de) de vors(creven) jan de witte [vrederix] sall dat hale(n) oft/ doen hale(n) op sijne(n) cost It(em) es noch vurw(er)de alsme(n) de velpe vaeght/ d(air)af sulle(n) de vors(creven) jan en(de) jan en(de) elc van hen gelijc de dachue(re)n/ betale(n) It(em) es noch vurw(er)de als de vors(creven) jan vrederix de velpe vescht/ d(air)af sulle(n) de vors(creven) ja(n) en(de) ja(n) de vessche(n) half en(de) half deile(n) It(em)/ es noch vurw(er)de dat de vors(creven) ja(n) vrederix den nuwe(n) mole(n)steen / tott(er) vors(creven) mole(n) behoi(r)e(n)de geleg(en) voe(r) de dore bereide(n) sall op sijne(n) cost/ en(de) de vors(creven) ja(n) de witte sall dien opdoen op sijne(n) cost It(em) es noch/ vurw(er)de dat de vors(creven) jan vrederix den vors(creven) ja(n)ne de witte jairlix/ den t(er)mijn due(re)nde inde vors(creven) molen sette(n) sall eene(n) goede(n) steckhued(er)/ d(air)mede dat de mold(er)s segge(n) sulle(n) dat de vors(creven) ja(n) de witte d(air)mede/ te vrede(n) sijn mach en(de) gebrake aen de vors(creven) mole(n) iet dat sall/ de vors(creven) jan vrederix den vors(creven) ja(n)ne de witte alt(oes) oprichte(n) It(em)/ es noch vurw(er)de dat de vors(creven) ja(n) de witte den vors(creven) ja(n)ne vrederix/ jairlix den t(er)mijn due(re)nde geve(n) sall iiii elle(n) lakens teene(n) tabb(ar)de/ en(de) alle dese vurw(er)de(n) en(de) (con)dicie(n) vors(creven) hebbe(n) geloeft de vors(creven) jan/ vrederix in deen zijde en(de) jan de witte in dande(re) malcande(re)n vast/ en(de) gestentich te houde(n) en(de) te voldoen talle(n) tijde(n) en(de) t(er)mijne als sij/ valle(n) en(de) v(er)schijne(n) sulle(n) en(de) telke(n) t(er)mijne als v(er)volghde schout/ h(ier)af sijn borge(n) des vors(creven) jan vrederix als p(ri)ncipale sculde(re)n/ ongesundert en(de) onv(er)sceide(n) en(de) elc voer all jan cloest(er)man/ en(de) robbijn lanaert beide van bi kerckem welke borgen/ de vors(creven) jan vrederix h(ier)af co(m)m(er)loes ende scadeloes geloeft/ heeft tontheffen cor(am) henr(ico) de lynt(er) iunio(r)e (et) jo(hann)e/ prijke(re) scab(in)is lov(aniensibus) januar(ii) xxvii[a]